Särsenbi, 27 Mamır 2020
COVID-19 QAZAQSTANDA. Jwqtırğandar — 8969. Jazılğandar — 4613. Qaytıs bolğandar — 37
1303 14 pikir 21 Aqpan, 2020 sağat 17:14

Toqaev: Jat dini ağımdarğa jol bermeuge tiispiz

Bügin Qazaqstan Prezidenti Qasım-Jomart Toqaev Nwr-Swltan qalasında ornalasqan Äziret-Swltan meşitine barıp, Qazaqstan mwsılmandarı dini basqarmasınıñ jañadan saylanğan bas müftii Naurızbay qajı Tağanwlımen kezdesti. 

Kezdesude memleket basşısı Naurızbay Tağanwlın jaña lauazımımen qwttıqtap, aldağı jwmıstarına tabıs tiledi.

Sonımen qatar, Prezident dini jat ağımdardıñ halıqqa ziyanı jaylı, azamattardı din arqılı kelisim men ıntımaqqa şaqıru jöninde, ruhani bağıt-bağdar men eldegi twraqtılıq-tatulıqtı saqtau jayında ayttı.

- Qazirgi uaqıtta dünie jüzinde ärtürli jat ürdister payda bolıp jatır. Halıqtı tatulıqqa, pätuağa, birlikke şaqıru kerek. Al, türli jat dini ağımdarğa tıyım salıp, jol bermeuge tiispiz. Osı bağıtta dwrıs ügit-nasihat jwmıstarın jürgizip, el müddesine qızmet etu qajet, - dedi Qasım-Jomart Toqaev.

Al, basqarmanıñ jaña saylanğan basşısı Naurızbay qajı Tağanwlı Memleket basşısına Qazaqstan mwsılmandarı dini basqarmasınıñ aldağı jwmıstarı, basqarma wyıtqı bolatın qayırımdılıq şaralarınñ josparların tanıstırdı.

Bas müftidiñ aytuınşa, basqarmanıñ aldağı jwmısı jeti ruhani qazıqqa negizdelmek. Olar: bilim, ädildik, mädeniettilik, eñbekqorlıq, imandılıq, auızbirşilik pen otanşıldıq.

Ayta keteyik, aqpan ayınıñ basında Nwr-Swltan qalasında Qazaqstan mwsılmandarı dini basqarmasınıñ kezekten tıs IX qwrıltayı ötken bolatın. Qwrıltayğa qatısqan QR Aqparat jäne qoğamdıq damu ministri Däuren Abaev Serikbay qajı Orazdıñ üş jılda atqarğan qızmetine rizaşılıq bildirip, onıñ ornına Naurızbay qajı Tağanwlın Qazaqstan Mwsılmandarı dini basqarmasınıñ törağalığına tağayındağan bolatın.

Al, qwrıltayğa barğan 300 delegat Naurızbay Tağanwlınıñ ümitkerligin birauızdan qoldap, dauıs berdi.

Sonday-aq, qwrıltayda söz alğan Serikbay qajı Oraz dini basqarmanıñ 30 jıldığı qarsañında 30 eldi-mekenniñ jol-köpir, auız-su mäselesine oñ ıqpal etudi, 30 studentke grant tağayındaudı, 30 otbasına qayırımdılıq jasaudı, 30 meşitke kürdeli jöndeu jürgizudi, 30 meşitke el igiligi üşin eñbek etken twlğalardıñ, olardıñ işinde Abay men Äl-Farabidiñ esimderin beru şaraları qolğa alınğanın ayttı.

Sonımen qatar ol jaña saylanğan Naurızbay qajı Tağanwlınıñ din salasında täjiribesi mol ekenin alğa tartıp, aldağı jwmıstarına sättilik tilegen bolatın.

Abai.kz

14 pikir