Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
46 - söz 1650 12 pikir 16 Qañtar, 2020 sağat 11:06

300 jastıñ üşeui el igiligine qızmet etse - ülken olja!

Prezidenttik jastar kadrlıq rezervke kirgen 300 jastı tanımay jatırsızdar ma? Feyzbukti qarasam 300-i birge tüsken suretten kimniñ kim ekenin ajırata almay qattı qinalğandar bar siyaqtı. Odan sırt tağı 300 adamdı asıraytın boldıq dep alañdap jatqandar da, olar naqtı täjiribede şıñdalmağandar dep senimsizdik bildirip jatqandar da bar eken. Bir jağınan mwnday kümändarıñız da jön şığar? Öytkeni sizder olardı qazir tolıq tanımaysızdar. Olar esimderi belgili, keşegi el basqarıp jürgen bir äkimniñ, nemese Senat spikeriniñ balası, prezidenttiñ nemeresi emes. Bwğan deyin eşbir memlekettik qızmetkerdi onday sınaqtardan ötkizip barıp, tağayındamağan soñ Rezervke qatısuşılardıñ qanday sıntardan ötetini sizderdiñ de täjiribeleriñizde joq bolar. Sondıqtan, sizderge beymälim 300 jastı tanu bolaşaqtıñ enşisinde bolsa kerek.

Adamdar ädette özderi ötpey qalğan konkurstardı "ädiletsiz ötti" dep "sınap" jatadı. Biraq, bwl konkurstan ötpey qalğan 12988 kandidattıñ bwlay aytıp nemese jazıp jatqanın bayqamadım. Kerisinşe olar bwl konkurstıñ şet-jağasın körgen soñ 300 jastıñ darındarın bağalap, qwrmet etken şığar. Men solay bwl jastardıñ nağız darındı jastar ekenine senemin. Öytkeni konkurstı bastan baqılap otırdım.

Ärine, bwl bayqaudı 100% oydağıday ötti demeymin. Ättegen-ay deytin jeri de boldı. Ol bayağı sol 30 jıldan beri "ättegen-ay" degizip kele jatqan til mäselesi. Konkurstıñ alğaşqı satısınıñ biri kandidattardıñ test swraqtarında qazaq tildi test tapsıruşılarğa audarma til öz salqının tigizdi. Orıs tilinde jasap, qazaqşağa elektrondı esepteu maşinasınıñ kömegimen audarğan. Bwl sınnan 4843 jas qwlap, 902 jas ğana 50 balldan 30 baldan joğarı jinağan. Bwnıñ basım böligi testi orıs tilinde tapsırğan jastarımız. Sondıqtan da 300 jastıñ işinde konkustı memlekettik tilde tapsırğandar sanı azdau. Ärine bwdan alğaşqı emtihannan ötuge şeşuşi rol atqarğan tek til mäselesi dep aytuımızğa kelmeydi. Bwl üş türli sebeptiñ biri. YAğni, testke qatısqan 4843 jastıñ qwlauına birinşi test swraqtarınıñ kürdeliligi äser etti. Ol swraqtan sonşalıqtı qiın bolmasa da öte ülken jıldamdıqpen şığarudı qajet etti. Är swraqqa 1 minut. Ol swraqtardı audarma tilmen oqıp, jañıltpaş swraqtıñ naqtı neni swrap otırğanın bilgeniñşe esepti şeşetin 1 minutıñız ötip ketedi.

Matematikalıq esepterde swraqtı bir minut oqıp, arı qaray sandarğa taldau jasap, algoritm boyınşa nätijesiñizdi eseptep şıqqanıñızşa tağı 1,2 minutıñız ketedi. Esepte bir sannan jañılsañız, 3 minut uaqıt jwmsap şığarğan esebiñiz tağı zaya ketkeni. Mine bwl sizdiñ jıldamdığıñız ben mwqiyattılığıñızdı qajet etti. Osılay eseptiñ berlisiniñ wzaqtığı men audarmanıñ tüsiniksizigine wşırağan key jastar tehnikalıq qiındıqtarğa da wşıradı. Eldiñ tükpir-tükirinen onlayn tapsırğandıqtan öñirlerden tapsıruşılarğa internet jıldamdığı da ülken kedergisin jasadı. Esesine elimizdiñ iri qalaları men şetelde twrıp tapsırğandar joğarğı nätijelerge qol jetkizidi. Eñ joğarğı ball jañılmasam 47 boldı. Biraq, 40 balldan asqandar onşa köp emes. Onday mıñnan twlpar bolıp oza şapqan jastardı qalay bağalamaysıñ?

Osı sınnan şektik baldı alıp ötken soñ, qatısuşılarğa qalğan sındarda oñay bolmadı. Berilgen tapsırmalar boyınşa jeke jäne toptıq joba jasap qorğadı. Osı siyaqtı türli sındardan ötip, 300 jas iriktelip otır. Bwnı men osı sınnan sürinbey ötip, 300-diñ biri bolğan azamattıñ bar qadamı köz aldımda bolğan soñ jazıp otırmın. Endi sol azamattarğa naqtı isterde özderin tolıqqandı körsetuge mümkindik berilse bolğanı. Memleket dwrıs bağıtta qoldana alsa deymin.

Bwl bayqaudan qanday ataqtı käsipkerlerdiñ, belgili sayasatkerlerdiñ balaları ötpey qalğanın aqparat qwraldarı jazdı. Kerisinşe bilikte eş tamır- tanısı joq, qarapayım auılda tuıp ösken qız-jigitter, 5, 10 jıldıñ aldında ğana şetelden Otanına oralğan jastar kirdi.

Arzan ataq pen jalğan at şığarudıñ soñına tüsip, populistik jolmen töske örlegisi keletinderge qarağanda bwğan deyin türli salada öz bilimi men iskerligin jetildirip, kezi kelgende öz qarım-qabiletiin körsetken azamattar aldağı uaqıtta jauapkerşilikpen jwmıs jasaydı degen ümittemiz. Alda mwnday irikteuler tağı boladı deydi. Bwl jolı qatısıp ülgermegender kelesi joldarı qatısıp, öz mümindikterin körseter. Bwdan keyin memlekettik qızmettiñ türli salasında da tek jastardan ğana emes, jas şektemesinsiz osınday aşıq konkurstar arıqılı irikteulerdiñ bolğanı jön dep sanaymın.

Tüptep kelgende osı 300 jastıñ otızı, tipti üşi halqımız ben memleketimizge qızmet körsetudiñ üzdik ülgisin körsetken twlğağa aynalıp jatsa da ülken olja.

Twrdıbek Qwrmethannıñ äleumettik jelidegi jazbasınan

Abai.kz

12 pikir