بەيسەنبى, 24 قىركۇيەك 2020
COVID-19 قازاقستاندا. جۇقتىرعاندار — 107529. جازىلعاندار — 102323. قايتىس بولعاندار — 1699
46 - ءسوز 1651 12 پىكىر 16 قاڭتار, 2020 ساعات 11:06

300 جاستىڭ ۇشەۋى ەل يگىلىگىنە قىزمەت ەتسە - ۇلكەن ولجا!

پرەزيدەنتتىك جاستار كادرلىق رەزەرۆكە كىرگەن 300 جاستى تانىماي جاتىرسىزدار ما؟ فەيزبۋكتى قاراسام 300-ءى بىرگە تۇسكەن سۋرەتتەن كىمنىڭ كىم ەكەنىن اجىراتا الماي قاتتى قينالعاندار بار سياقتى. ودان سىرت تاعى 300 ادامدى اسىرايتىن بولدىق دەپ الاڭداپ جاتقاندار دا، ولار ناقتى تاجىريبەدە شىڭدالماعاندار دەپ سەنىمسىزدىك ءبىلدىرىپ جاتقاندار دا بار ەكەن. ءبىر جاعىنان مۇنداي كۇماندارىڭىز دا ءجون شىعار؟ ويتكەنى سىزدەر ولاردى قازىر تولىق تانىمايسىزدار. ولار ەسىمدەرى بەلگىلى، كەشەگى ەل باسقارىپ جۇرگەن ءبىر اكىمنىڭ، نەمەسە سەنات سپيكەرىنىڭ بالاسى، پرەزيدەنتتىڭ نەمەرەسى ەمەس. بۇعان دەيىن ەشبىر مەملەكەتتىك قىزمەتكەردى ونداي سىناقتاردان وتكىزىپ بارىپ، تاعايىنداماعان سوڭ رەزەرۆكە قاتىسۋشىلاردىڭ قانداي سىنتاردان وتەتىنى سىزدەردىڭ دە تاجىريبەلەرىڭىزدە جوق بولار. سوندىقتان، سىزدەرگە بەيمالىم 300 جاستى تانۋ بولاشاقتىڭ ەنشىسىندە بولسا كەرەك.

ادامدار ادەتتە وزدەرى وتپەي قالعان كونكۋرستاردى "ادىلەتسىز ءوتتى" دەپ "سىناپ" جاتادى. بىراق، بۇل كونكۋرستان وتپەي قالعان 12988 كانديداتتىڭ بۇلاي ايتىپ نەمەسە جازىپ جاتقانىن بايقامادىم. كەرىسىنشە ولار بۇل كونكۋرستىڭ شەت-جاعاسىن كورگەن سوڭ 300 جاستىڭ دارىندارىن باعالاپ، قۇرمەت ەتكەن شىعار. مەن سولاي بۇل جاستاردىڭ ناعىز دارىندى جاستار ەكەنىنە سەنەمىن. ويتكەنى كونكۋرستى باستان باقىلاپ وتىردىم.

ارينە، بۇل بايقاۋدى 100% ويداعىداي ءوتتى دەمەيمىن. اتتەگەن-اي دەيتىن جەرى دە بولدى. ول باياعى سول 30 جىلدان بەرى "اتتەگەن-اي" دەگىزىپ كەلە جاتقان ءتىل ماسەلەسى. كونكۋرستىڭ العاشقى ساتىسىنىڭ ءبىرى كانديداتتاردىڭ تەست سۇراقتارىندا قازاق ءتىلدى تەست تاپسىرۋشىلارعا اۋدارما ءتىل ءوز سالقىنىن تيگىزدى. ورىس تىلىندە جاساپ، قازاقشاعا ەلەكتروندى ەسەپتەۋ ماشيناسىنىڭ كومەگىمەن اۋدارعان. بۇل سىننان 4843 جاس قۇلاپ، 902 جاس عانا 50 باللدان 30 بالدان جوعارى جيناعان. بۇنىڭ باسىم بولىگى تەستى ورىس تىلىندە تاپسىرعان جاستارىمىز. سوندىقتان دا 300 جاستىڭ ىشىندە كونكۋستى مەملەكەتتىك تىلدە تاپسىرعاندار سانى ازداۋ. ارينە بۇدان العاشقى ەمتيحاننان وتۋگە شەشۋشى رول اتقارعان تەك ءتىل ماسەلەسى دەپ ايتۋىمىزعا كەلمەيدى. بۇل ءۇش ءتۇرلى سەبەپتىڭ ءبىرى. ياعني، تەستكە قاتىسقان 4843 جاستىڭ قۇلاۋىنا ءبىرىنشى تەست سۇراقتارىنىڭ كۇردەلىلىگى اسەر ەتتى. ول سۇراقتان سونشالىقتى قيىن بولماسا دا وتە ۇلكەن جىلدامدىقپەن شىعارۋدى قاجەت ەتتى. ءار سۇراققا 1 مينۋت. ول سۇراقتاردى اۋدارما تىلمەن وقىپ، جاڭىلتپاش سۇراقتىڭ ناقتى نەنى سۇراپ وتىرعانىن بىلگەنىڭشە ەسەپتى شەشەتىن 1 مينۋتىڭىز ءوتىپ كەتەدى.

ماتەماتيكالىق ەسەپتەردە سۇراقتى ءبىر مينۋت وقىپ، ارى قاراي ساندارعا تالداۋ جاساپ، الگوريتم بويىنشا ناتيجەسىڭىزدى ەسەپتەپ شىققانىڭىزشا تاعى 1,2 مينۋتىڭىز كەتەدى. ەسەپتە ءبىر ساننان جاڭىلساڭىز، 3 مينۋت ۋاقىت جۇمساپ شىعارعان ەسەبىڭىز تاعى زايا كەتكەنى. مىنە بۇل ءسىزدىڭ جىلدامدىعىڭىز بەن مۇقياتتىلىعىڭىزدى قاجەت ەتتى. وسىلاي ەسەپتىڭ بەرلىسىنىڭ ۇزاقتىعى مەن اۋدارمانىڭ تۇسىنىكسىزىگىنە ۇشىراعان كەي جاستار تەحنيكالىق قيىندىقتارعا دا ۇشىرادى. ەلدىڭ تۇكپىر-تۇكىرىنەن ونلاين تاپسىرعاندىقتان وڭىرلەردەن تاپسىرۋشىلارعا ينتەرنەت جىلدامدىعى دا ۇلكەن كەدەرگىسىن جاسادى. ەسەسىنە ەلىمىزدىڭ ءىرى قالالارى مەن شەتەلدە تۇرىپ تاپسىرعاندار جوعارعى ناتيجەلەرگە قول جەتكىزىدى. ەڭ جوعارعى بالل جاڭىلماسام 47 بولدى. بىراق، 40 باللدان اسقاندار ونشا كوپ ەمەس. ونداي مىڭنان تۇلپار بولىپ وزا شاپقان جاستاردى قالاي باعالامايسىڭ؟

وسى سىننان شەكتىك بالدى الىپ وتكەن سوڭ، قاتىسۋشىلارعا قالعان سىنداردا وڭاي بولمادى. بەرىلگەن تاپسىرمالار بويىنشا جەكە جانە توپتىق جوبا جاساپ قورعادى. وسى سياقتى ءتۇرلى سىنداردان ءوتىپ، 300 جاس ىرىكتەلىپ وتىر. بۇنى مەن وسى سىننان سۇرىنبەي ءوتىپ، 300-ءدىڭ ءبىرى بولعان ازاماتتىڭ بار قادامى كوز الدىمدا بولعان سوڭ جازىپ وتىرمىن. ەندى سول ازاماتتارعا ناقتى ىستەردە وزدەرىن تولىققاندى كورسەتۋگە مۇمكىندىك بەرىلسە بولعانى. مەملەكەت دۇرىس باعىتتا قولدانا السا دەيمىن.

بۇل بايقاۋدان قانداي اتاقتى كاسىپكەرلەردىڭ، بەلگىلى ساياساتكەرلەردىڭ بالالارى وتپەي قالعانىن اقپارات قۇرالدارى جازدى. كەرىسىنشە بيلىكتە ەش تامىر- تانىسى جوق، قاراپايىم اۋىلدا تۋىپ وسكەن قىز-جىگىتتەر، 5, 10 جىلدىڭ الدىندا عانا شەتەلدەن وتانىنا ورالعان جاستار كىردى.

ارزان اتاق پەن جالعان ات شىعارۋدىڭ سوڭىنا ءتۇسىپ، پوپۋليستىك جولمەن توسكە ورلەگىسى كەلەتىندەرگە قاراعاندا بۇعان دەيىن ءتۇرلى سالادا ءوز ءبىلىمى مەن ىسكەرلىگىن جەتىلدىرىپ، كەزى كەلگەندە ءوز قارىم-قابىلەتىىن كورسەتكەن ازاماتتار الداعى ۋاقىتتا جاۋاپكەرشىلىكپەن جۇمىس جاسايدى دەگەن ۇمىتتەمىز. الدا مۇنداي ىرىكتەۋلەر تاعى بولادى دەيدى. بۇل جولى قاتىسىپ ۇلگەرمەگەندەر كەلەسى جولدارى قاتىسىپ، ءوز مۇمىندىكتەرىن كورسەتەر. بۇدان كەيىن مەملەكەتتىك قىزمەتتىڭ ءتۇرلى سالاسىندا دا تەك جاستاردان عانا ەمەس، جاس شەكتەمەسىنسىز وسىنداي اشىق كونكۋرستار ارىقىلى ىرىكتەۋلەردىڭ بولعانى ءجون دەپ سانايمىن.

تۇپتەپ كەلگەندە وسى 300 جاستىڭ وتىزى، ءتىپتى ءۇشى حالقىمىز بەن مەملەكەتىمىزگە قىزمەت كورسەتۋدىڭ ۇزدىك ۇلگىسىن كورسەتكەن تۇلعاعا اينالىپ جاتسا دا ۇلكەن ولجا.

تۇردىبەك قۇرمەتحاننىڭ الەۋمەتتىك جەلىدەگى جازباسىنان

Abai.kz

12 پىكىر