Beysenbi, 12 Jeltoqsan 2019
Jañalıqtar 3490 0 pikir 2 Mausım, 2017 sağat 16:27

AQŞ elşiligi. "Alğa, Qazaqstan!" jäne gey-parad

AQŞ-tıñ Qazaqstandağı elşiliginiñ resmi saytın şolıp otırıp, mına bir aqparğa közimiz tüsti.

Aqparda AQŞ elşiligi bas bolıp, birsıpıra elşilikter men wyımdar Halıqaralıq gomofobiya, transofobiya jäne biofobiyağa qarsı küres künin atap ötkeni jazılğan.

Jartı jınıstılardıñ jalauların jelbiretip jürip ötkizgen şarası - biılğı jıldıñ 17 mamırında bolğanğa wqsaydı. Elşilik saytınıñ bas betindegi aqparatta solay dep körsetilipti.

Ol ol ma, "Astana", "Qazaqstan" degen jazudı seksualdıq tüsinigi tayğanaqtardıñ nışanına aynalğan kempirqosaq tüstes suretpen ärlepti.

Ärlep qana qoymağan. "Bwl küni biz Qazaqstandağı lesbiandarğa, geylerge, biseksualdarğa, transgenderge qoldau bildiremiz" dep maqala jazıptı (On this day we express our support for, and solidarity with, the lesbian, gay, bisexual and transgender communities in Kazakhstan).

AQŞ biligi birjınıstılıqtı jäne osığan wqsas auıtquşılığı bar adamdardıñ tañdauın resmi moyındap, rwqsat bergeni belgili. Tek AQŞ qana emes, älemniñ özge de elderi osı processti qwlşına qabıldağan. Al biz şe? Qazaqstanda birjınıstılıqqa zañ jüzinde şekteu qoyılmağanımen, olardıñ keybir mümkindikteri şektelgeni ras. Qazaqstannıñ memleketti qalauşı äm qwruşı wltı - qazaq halqınıñ seniminde, mentalitetinde birjınıstılıq ersi ekenin Jorj Krol jetekşilik etetin AQŞ elşiligi bilmey me? Bilse östir me? Älde bwl provokaciya ma? Tağı bir swraq: elşiliktiñ bir missiyası sonda, birjınıstılıqtı jäne osığan wqsas auıtquşılığı bar adamdardı qoldap, qolpaştau bolğanı ma?

Biz maqalanı tügel audarıp jatudı artıq sanadıq. Sebebi, maqalada birjınıstılıqtı aşıq däriptey otırıp, mwnı demokratiyalılıq aşıqtıqqa telidi.

Söz tüyininde elşik bılay deydi:

"Biz barlıq adamdardıñ qwqıqtarınıñ saqtaluına, (bwl jerde birjınıstılardıñ qwqıqtarınıñ bwzılmauın nwsqap otırsa kerek-ti - red.) alalauşılıqqa jol bermeuge Qazaqstan Ükimetine jäne wlttıq qwqıq qorğau wyımdarına qoldau körsetemiz". 

(We stand ready to support the Government of Kazakhstan, national human rights organizations, families and all interested parties in their efforts to ensure non-discrimination protections apply to all citizens).

AQŞ elşiliginiñ bastamasın qoldap, koaliciyasına qosılğandar:

  • Astanadağı Britaniya elşiligi;
  • BWW ökildigi;
  • Kanada elşiligi;
  • Finlyandiya elşiligi;
  • Niderland korol'diginiñ elşiligi;
  • Şveciya elşiligi;
  • Şveycariya elşiligi;

Aytpaqşı, N'yu-Yorkte 21 mamır küni ötken gey-paradqa közine qara közildirik tağıp, ayağına äyelderdiñ biz ökşe tuflin kiip alğan qazaqstandıq bireu qatıstı. Şerude ketip bara jatıp ol birneşe ret, "Alğa, Qazaqstan!" dep ayqaylağan.

İliyas Aqbay

Abai.kz

0 pikir