سەيسەنبى, 20 قازان 2020
COVID-19 قازاقستاندا. جۇقتىرعاندار — 109508. جازىلعاندار — 105030. قايتىس بولعاندار — 1768
جاڭالىقتار 4084 0 پىكىر 2 ماۋسىم, 2017 ساعات 16:27

اقش ەلشىلىگى. "العا، قازاقستان!" جانە گەي-پاراد

اقش-تىڭ قازاقستانداعى ەلشىلىگىنىڭ رەسمي سايتىن شولىپ وتىرىپ، مىنا ءبىر اقپارعا كوزىمىز ءتۇستى.

اقپاردا اقش ەلشىلىگى باس بولىپ، ءبىرسىپىرا ەلشىلىكتەر مەن ۇيىمدار حالىقارالىق گوموفوبيا، ترانسوفوبيا جانە بيوفوبياعا قارسى كۇرەس كۇنىن اتاپ وتكەنى جازىلعان.

جارتى جىنىستىلاردىڭ جالاۋلارىن جەلبىرەتىپ ءجۇرىپ وتكىزگەن شاراسى - بيىلعى جىلدىڭ 17 مامىرىندا بولعانعا ۇقسايدى. ەلشىلىك سايتىنىڭ باس بەتىندەگى اقپاراتتا سولاي دەپ كورسەتىلىپتى.

ول ول ما، "استانا", "قازاقستان" دەگەن جازۋدى سەكسۋالدىق تۇسىنىگى تايعاناقتاردىڭ نىشانىنا اينالعان كەمپىرقوساق تۇستەس سۋرەتپەن ارلەپتى.

ارلەپ قانا قويماعان. "بۇل كۇنى ءبىز قازاقستانداعى لەسبياندارعا، گەيلەرگە، بيسەكسۋالدارعا، ترانسگەندەرگە قولداۋ بىلدىرەمىز" دەپ ماقالا جازىپتى (On this day we express our support for, and solidarity with, the lesbian, gay, bisexual and transgender communities in Kazakhstan).

اقش بيلىگى بىرجىنىستىلىقتى جانە وسىعان ۇقساس اۋىتقۋشىلىعى بار ادامداردىڭ تاڭداۋىن رەسمي مويىنداپ، رۇقسات بەرگەنى بەلگىلى. تەك اقش قانا ەمەس، الەمنىڭ وزگە دە ەلدەرى وسى پروتسەسستى قۇلشىنا قابىلداعان. ال ءبىز شە؟ قازاقستاندا بىرجىنىستىلىققا زاڭ جۇزىندە شەكتەۋ قويىلماعانىمەن، ولاردىڭ كەيبىر مۇمكىندىكتەرى شەكتەلگەنى راس. قازاقستاننىڭ مەملەكەتتى قالاۋشى ءام قۇرۋشى ۇلتى - قازاق حالقىنىڭ سەنىمىندە، مەنتاليتەتىندە بىرجىنىستىلىق ەرسى ەكەنىن جورج كرول جەتەكشىلىك ەتەتىن اقش ەلشىلىگى بىلمەي مە؟ بىلسە ءوستىر مە؟ الدە بۇل پروۆوكاتسيا ما؟ تاعى ءبىر سۇراق: ەلشىلىكتىڭ ءبىر ميسسياسى سوندا، بىرجىنىستىلىقتى جانە وسىعان ۇقساس اۋىتقۋشىلىعى بار ادامداردى قولداپ، قولپاشتاۋ بولعانى ما؟

ءبىز ماقالانى تۇگەل اۋدارىپ جاتۋدى ارتىق سانادىق. سەبەبى، ماقالادا بىرجىنىستىلىقتى اشىق دارىپتەي وتىرىپ، مۇنى دەموكراتيالىلىق اشىقتىققا تەليدى.

ءسوز تۇيىنىندە ەلشىك بىلاي دەيدى:

ء"بىز بارلىق ادامداردىڭ قۇقىقتارىنىڭ ساقتالۋىنا، (بۇل جەردە ءبىرجىنىستىلاردىڭ قۇقىقتارىنىڭ بۇزىلماۋىن نۇسقاپ وتىرسا كەرەك-ءتى - رەد.) الالاۋشىلىققا جول بەرمەۋگە قازاقستان ۇكىمەتىنە جانە ۇلتتىق قۇقىق قورعاۋ ۇيىمدارىنا قولداۋ كورسەتەمىز". 

(We stand ready to support the Government of Kazakhstan, national human rights organizations, families and all interested parties in their efforts to ensure non-discrimination protections apply to all citizens).

اقش ەلشىلىگىنىڭ باستاماسىن قولداپ، كواليتسياسىنا قوسىلعاندار:

  • استاناداعى بريتانيا ەلشىلىگى;
  • بۇۇ وكىلدىگى;
  • كانادا ەلشىلىگى;
  • فينليانديا ەلشىلىگى;
  • نيدەرلاند كورولدىگىنىڭ ەلشىلىگى;
  • شۆەتسيا ەلشىلىگى;
  • شۆەيتساريا ەلشىلىگى;

ايتپاقشى، نيۋ-يوركتە 21 مامىر كۇنى وتكەن گەي-پارادقا كوزىنە قارا كوزىلدىرىك تاعىپ، اياعىنا ايەلدەردىڭ ءبىز وكشە تۋفلين كيىپ العان قازاقستاندىق بىرەۋ قاتىستى. شەرۋدە كەتىپ بارا جاتىپ ول بىرنەشە رەت، "العا، قازاقستان!" دەپ ايقايلاعان.

ءىلياس اقباي

Abai.kz

0 پىكىر