Jwma, 13 Jeltoqsan 2019
Bilik 3686 0 pikir 22 Şilde, 2015 sağat 13:31

ASTANADA «MÄÑGİLİK EL» TRIPTIHI TANISTIRILDI (FOTO)

QR Wlttıq muzeyinde QR Prem'er-Ministriniñ orınbasarı Berdibek Saparbaevtıñ qatısuımen Qazaq handığınıñ 550 jıldığına arnalğan «Mäñgilik El» triptihınıñ (kartinalar) twsauı kesildi.

Şara barısında handıq däuir men qazirgi zamannan sır şertetin 3 körkem suret tanıstırıldı. Bwl suretterdi sızuğa Memlekettik sıylıqtıñ iegeri Erbolat Tölepbay bastağan bir top suretşiler birneşe jıldarın arnadı. 

Triptihtıñ kompoziciyalıq jäne körkemdik mäyegi Qazaqstannıñ Twñğış Prezidenti - Nwrswltan Nazarbaevtıñ portreti. Älemdik deñgeydegi sayasatkerdiñ beynesi HH-HHİ ğasırlar toğısındağı qazaq memlekettiliginiñ damuı konteksinde surettelgen. Suret ortasında Wlt köşbasşısı uaqıt keñistiginde ketip bara jatqanday beynelengen, bwl elimizdiñ ötkeni men bolaşağın biriktiretin tarihi şekaranı bildiredi. 

Triptihtıñ ekinşi böligi qazaq halqınıñ dästürli zañdar jinağı «Jeti jarğığa» arnalğan. Kompoziciya ortasında Täuke han men qazaqtıñ üş bii jäne basqa da tarihi twlğalar sızılğan. 

«Mäñgilik el» triptihınıñ tağı bir böligi Qazaq handığınıñ negizin qalauşılar - Kerey men Jänibek handarğa arnalğan. Bwl kartinalar Qazaqstan Wlttıq muzeyinde twratın boladı. 

«Özderiñiz bilesizder, bwl jıl Qazaqstan üşin erekşe jıl. Biıl biz Qazaq handığınıñ 550 jıldığın atap ötemiz. Jalpı alğanda, jıl soñına deyin elimizdiñ tükpir-tükpirinde osı aytulı datağa baylanıstı 200-den astam is-şara ötedi. Mereke Astanada 11 qırküyekte toylanıp, 9 qazanda Taraz qalasında jalğasatın boladı», - dep atap ötti B.Saparbaev.
2 3 4 5 6 7 8 9 

QazAqparat

0 pikir