دۇيسەنبى, 13 شىلدە 2020
«13 шілде – Ұлттық аза тұту күні»
بيلىك 4153 0 پىكىر 22 شىلدە, 2015 ساعات 13:31

استانادا «ماڭگىلىك ەل» تريپتيحى تانىستىرىلدى (فوتو)

قر ۇلتتىق مۋزەيىندە قر پرەمەر-ءمينيسترىنىڭ ورىنباسارى بەردىبەك ساپارباەۆتىڭ قاتىسۋىمەن قازاق حاندىعىنىڭ 550 جىلدىعىنا ارنالعان «ماڭگىلىك ەل» تريپتيحىنىڭ (كارتينالار) تۇساۋى كەسىلدى.

شارا بارىسىندا حاندىق ءداۋىر مەن قازىرگى زاماننان سىر شەرتەتىن 3 كوركەم سۋرەت تانىستىرىلدى. بۇل سۋرەتتەردى سىزۋعا مەملەكەتتىك سىيلىقتىڭ يەگەرى ەربولات تولەپباي باستاعان ءبىر توپ سۋرەتشىلەر بىرنەشە جىلدارىن ارنادى. 

تريپتيحتىڭ كومپوزيتسيالىق جانە كوركەمدىك مايەگى قازاقستاننىڭ تۇڭعىش پرەزيدەنتى - نۇرسۇلتان نازارباەۆتىڭ پورترەتى. الەمدىك دەڭگەيدەگى ساياساتكەردىڭ بەينەسى حح-ءححى عاسىرلار توعىسىنداعى قازاق مەملەكەتتىلىگىنىڭ دامۋى كونتەكسىندە سۋرەتتەلگەن. سۋرەت ورتاسىندا ۇلت كوشباسشىسى ۋاقىت كەڭىستىگىندە كەتىپ بارا جاتقانداي بەينەلەنگەن، بۇل ەلىمىزدىڭ وتكەنى مەن بولاشاعىن بىرىكتىرەتىن تاريحي شەكارانى بىلدىرەدى. 

تريپتيحتىڭ ەكىنشى بولىگى قازاق حالقىنىڭ ءداستۇرلى زاڭدار جيناعى «جەتى جارعىعا» ارنالعان. كومپوزيتسيا ورتاسىندا تاۋكە حان مەن قازاقتىڭ ءۇش ءبيى جانە باسقا دا تاريحي تۇلعالار سىزىلعان. 

«ماڭگىلىك ەل» تريپتيحىنىڭ تاعى ءبىر بولىگى قازاق حاندىعىنىڭ نەگىزىن قالاۋشىلار - كەرەي مەن جانىبەك حاندارعا ارنالعان. بۇل كارتينالار قازاقستان ۇلتتىق مۋزەيىندە تۇراتىن بولادى. 

«وزدەرىڭىز بىلەسىزدەر، بۇل جىل قازاقستان ءۇشىن ەرەكشە جىل. بيىل ءبىز قازاق حاندىعىنىڭ 550 جىلدىعىن اتاپ وتەمىز. جالپى العاندا، جىل سوڭىنا دەيىن ەلىمىزدىڭ تۇكپىر-تۇكپىرىندە وسى ايتۋلى داتاعا بايلانىستى 200-دەن استام ءىس-شارا وتەدى. مەرەكە استانادا 11 قىركۇيەكتە تويلانىپ، 9 قازاندا تاراز قالاسىندا جالعاساتىن بولادى»، - دەپ اتاپ ءوتتى ب.ساپارباەۆ.
2 3 4 5 6 7 8 9 

قازاقپارات

0 پىكىر