Аймақ басшысының хабарлауынша, қоймадағы жарылыстан 8 адам зардап шеккен, кейбір мәліметтерде бес адамның зардап шеккені айтылады. Оларды Ачинск аудандық ауруханасына жеткізді.
Губернатордың айтуынша, ауданға Қорғаныс минстрлігінің арнайы мамандары келе жатыр. Усс Ачинск қаласы да "әжептәуір зардап шеккенін" мәлімдеді.
ТАСС мәліметі бойынша, қоймадағы екі алаң өртеніп жатыр, олардың әрқайсысында шамамен 40 мың артиллерия снаряды бар.
Қойма Ачинск қаласынан 10 шақырым жердегі Каменка ауылында орналасқан. "Интерфакс" агенттігінің дереккөзге сүйеніп хабарлауынша, Каменка ғана емес, әскери бөлімнен 20 шақырым радиустағы басқа да елді мекендердің тұрғындары көшіріледі. Кейін Төтенше жағдайлар министрлігі шамамен мың адам үйлерін өз еркімен тастап кеткенін хабарлады.
Abai.kz
