جۇما, 4 جەلتوقسان 2020
COVID-19 قازاقستاندا. جۇقتىرعاندار — 134706. جازىلعاندار — 118643. قايتىس بولعاندار — 1990
1461 2 پىكىر 6 تامىز, 2019 ساعات 11:03

رەسەيدىڭ كراسنويارسك وڭىرىندە اسكەري قويما جارىلىپ، تۇرعىندارى كوشىرىلىپ جاتىر

كراسنويارسك ءوڭىرىنىڭ اچينسك اۋدانىندا سەيسەنبىگە قاراعان ءتۇنى ادامداردى كوشىرە باستادى. قاۋىپتى اۋماقتا شامامەن 6 مىڭ ادام تۇرادى. بۇل تۋرالى ءوڭىر گۋبەرناتورى الەكساندر ۋسس مالىمدەدى.

ايماق باسشىسىنىڭ حابارلاۋىنشا، قويماداعى جارىلىستان 8 ادام زارداپ شەككەن، كەيبىر مالىمەتتەردە بەس ادامنىڭ زارداپ شەككەنى ايتىلادى. ولاردى اچينسك اۋداندىق اۋرۋحاناسىنا جەتكىزدى.

گۋبەرناتوردىڭ ايتۋىنشا، اۋدانعا قورعانىس مينسترلىگىنىڭ ارنايى ماماندارى كەلە جاتىر. ۋسس اچينسك قالاسى دا "اجەپتاۋىر زارداپ شەككەنىن" مالىمدەدى.

تاسس مالىمەتى بويىنشا، قويماداعى ەكى الاڭ ورتەنىپ جاتىر، ولاردىڭ ارقايسىسىندا شامامەن 40 مىڭ ارتيللەريا سناريادى بار.

قويما اچينسك قالاسىنان 10 شاقىرىم جەردەگى كامەنكا اۋىلىندا ورنالاسقان. "ينتەرفاكس" اگەنتتىگىنىڭ دەرەككوزگە سۇيەنىپ حابارلاۋىنشا، كامەنكا عانا ەمەس، اسكەري بولىمنەن 20 شاقىرىم راديۋستاعى باسقا دا ەلدى مەكەندەردىڭ تۇرعىندارى كوشىرىلەدى. كەيىن توتەنشە جاعدايلار مينيسترلىگى شامامەن مىڭ ادام ۇيلەرىن ءوز ەركىمەن تاستاپ كەتكەنىن حابارلادى.

Abai.kz

2 پىكىر