Ол қазіргі кезде арнайы қызметтің тергеу абақтысында.

10 сәуірде мекемеаралық комиссия жұмысын тыңдаған Қырғызстанның үкімет басшысы Сапар Исаков Айбек Калиевті отставкаға жіберген. Мұнан бөлек энергетика саласындағы бірқатар шенеуніктер сөгіс алған.

26 қаңтарда Бішкек жылуэлектр орталығында апат болып, астана түгелімен жылусыз қалған.

Бас прокуратура қылмыстық іс қозғап, Жогорку Кеңеш апат салдарын зерттеу үшін арнайы комиссия құрған. Апат орын алған жылу электр станциясы (ЖЭС) бірер жыл бұрын ғана күрделі жөндеуден өтіп, оған мемлекеттен 386 млн доллар қаражат бөлінген.

4 сәуірде МҰҚК ЖЭС модернизациялау басқармасының топ басшысы Темирлан Бримкулов пен «Электр станциялары» ААҚ бас директоры Ұзақ Кыдырбаевтың ұсталғанын хабарлған. Осы іс аясында «Электр станциялары» ААҚ экс-бас директоры, қазір Жалал-Абад қаласының әкімі Салайдин Авазов және оның бұрынғы орынбасары Жолдошбек Назаров да тұтқындалған.

Abai.kz