Särsenbi, 8 Säuir 2020
COVID-19 QAZAQSTANDA. Jwqtırğandar — 704. Jazılğandar — 51. Qaytıs bolğandar — 6
Swhbat 1035 0 pikir 30 Qırküyek, 2019 sağat 12:08

"Tolıqtay bir audandı qamtamasız etetin deñgeyge jetkimiz keledi"

 

 

 

Erlan Mambetov, «Aqböken» jılıjay keşeni jetekşisi: 
Är kezeñniñ öz qozğauşı küşi bar desek, bügingi jaña zamannıñ kiltin qolına wstağan jastar bilimdi, bilikti äri qabiletti. «Jas kelse iske» demekşi, käsiptiñ közin tauıp, isin örge süyregen jastardıñ sanı jıl sanap artıp keledi. Jastar jılı qarsañında wyımdastırılğan «Eñbekqor jastar» jobası boyınşa Batıs Qazaqstan oblısı, Jänibek audanında twratın Mambetov Erlanmen swhbattasıp, aşqan käsibiniñ män-jayına qanıq boldıq.
̶Siz aşqan «Aqböken» jılıjay keşeni qay kezeñnen bastap jwmıs istep keledi? Şağın käsibiñizdiñ bügingi qarqını qanday?
̶ Biıl jastar jılı qarsañında «Zhas project» jobasına jılıjay aşu turalı ideya wsınıp jeñimpaz atandıq. Qazir jobada özimniñ joldasım, dosım jäne onıñ äyeli jwmıs isteydi. Jalpı 4 adam jılıjay jwmıstarın jürgizip otırmız. Jobadan wtqan 1 mln teñgege Jänibek audanındağı Baytwrsınov köşesindegi 1-şi üyge jılıjay aştıq. Auıldağı äleumettik jağdayı tömen, köp balalı 8 otbasına jılıjay önimderin, jemis-jidekterdi tegin ülestiremiz. Bwl igi bastama ay sayın dästürge aynaldı. Atalğan otbasılardıñ üyine barıp, bala-şağasın quantıp otıramız. Är ay sayın audandağı eki otbasın qamtamasız etip otıramız.
̶Jılıjaylarıñızda qanday kökönister ösedi?
̶ - Qazirgi uaqıtta jılıjayımızda säbiz, qızanaq, qiyar, kök piyaz, ukrop siyaqtı kökönister ösedi. Är adamnıñ maşıqtanğan, süyip isteytin isi boladı desek, meniñ qolımnan keletini osı kökönis ösiru onı kütip baptau. Jılıjay aşu ideyası da köpten beri oyımda jürgen edi. Bizdiñ audan Oral qalasınan 5 şaqırım jerde ornalasqan. Audan twrğındarı qajetti kökönisterin qaladan barıp aluğa mäjbür. Halıqtıñ arı-beri jürisi de qaltasına tüser salmaq ekeni jasırın emes. Osını eskerip, qaladağı bağadan arzanğa tüsetindey, önimderimizdi saudağı şığaudı josparlap otırmız.

-Jılıjaydağı önimderiñizdi saudağı şığaru üşin käsip ayasın keñeytudi josparlap otırsızdar ma?
̶Joba ayaqtalğannan keyin de bastamamızdı arı qaray jalğastırsaq degen nietimiz bar. Qazirdiñ özinde kökönis ösuirdiñ qırı men sırın meñgerip, tañ azanımen barıp, keş batqanda qaytıp, kütip-baptau jwmıstarına meyilinşe nazar audarudamız. Jalpı aytqanda jwmısı şaş etekten. Suın uaqıtılı mölşerimen qwyudan bastap, aua jiberip twruğa deyin babı köp jwmıstar bar. Qazir küzdiñ qara suığı sezile bastağalı beri jılıjaydı jılıtu mäselesine män berip otırmız.
Alğaş ret jılıjaydı oñtüstiktegi Sarağaş audanında körgen bolatınmın. Sol kezde qajetti aqparattarğa qanıq bolıp, özimdi qızıqtarğan mäseleler jayında swrastırğanmın. Mine, endi sonıñ paydası iske jarap jatır.
Sonda däl qazirgi uaqıtta sizder alatın önim satuğa jiberilmeydi. Tek äleumettik az qamtılğan otbasıların qamtamasız etuge arnalıp otır ma?
- «Zhas project» jobası arqılı birinşi 500 mıñ teñge qarajat berildi. Bwl summanıñ işinde 6 ay boyı jwmıs istep otırğan 4 adamğa şäkirtaqı qarastırılğan. Mısalı, joğarı oqu ornın bitirgen jağdayda 60 mıñ teñge, orta bilimi bar bolatın bolsa 40 mıñ teñge köleminde beriledi. Bizdiñ toptağılardıñ aqşasın qosqanda jalpı 160 mıñ teñge köleminde alıp otırmız. Aldağı uaqıtta bwl bastamızdı keñeytip, önimderimizdi satuğa şığaru üşin jeke käsip aşsaq degen maqsatımız bar. Bwl üşin mölşeri 3-4 mln teñge köleminde aqşa qajet boladı. Sol üşin nar täuekel jasap, nesie alsaq degen oyımız bar. Tek näsie alu üşin kepildik mäselesi biz üşin qiındau bolıp otır. Bügingi jağdayda tolıqtay bir audandı qamtamasız ete almaymız. Sol üşin swranısqa säykes jospar qwrıp otırğan jayımız bar. Bärimizge ayan, qız mezgilinde qiyar men qızanaqtıñ bağası tipten aspandap ketedi. Onı qaladan alıp kelu üşin jol-pwl aqşañız tağı bar. Sondıqtan halıqqa da tiimdi özimiz üşin de paydalı bolmaq. Däl qazir satılımğa şığarıp otırğan joqpız. Joğarıda atap ötkendey kömekke mwqjat otbasılarğa berip otırmız.
- Jastar jılı siz üşin nesimen erekşe bolmaq?
̶- Qolınan is keletin, biraq mümkindigi joq jastar öte köp. Jastar jılı osınday azamattardıñ ideyalarına negiz bolıp, öz käsibin bastauına mwrındıq bolsa eken deymiz.

Swhbattasqan Nwra Matay

0 pikir