Jeksenbi, 20 Qırküyek 2020
COVID-19 QAZAQSTANDA. Jwqtırğandar — 107262. Jazılğandar — 101877. Qaytıs bolğandar — 1671
1691 0 pikir 6 Tamız, 2019 sağat 11:11

Tramp AQŞ-ta jappay adam qırğandarğa ölim jazasın engizedi

AQŞ prezidenti Donal'd Tramp 5 tamızda elde jappay adam qırğandarğa ölim jazasın qoldanu turalı zañ şığatının habarladı. Memleket basşısı El'-Paso (Tehas) jäne Deytonda (Ogayo) tirkelgen qarulı şabuıldarğa osılay jauap berdi.

"Men Ädilet ministrligine jappay adam qırğandardı ölim jazasına kesetin zañ dayındaudı tapsıram. Jazanıñ eñ qatañ türi tez jüzege asırılatın boladı", - dedi Tramp.

Jaqında Tramp äkimşiligi ölim jazasın federaldıq deñgeyde qalpına keltirgen. AQŞ-ta mwnday jaza kisi öltirgenderge jäne terrorşılarğa qoldanıladı, biraq mwnday jaza barlıq ştattarda qoldanılmaydı.

Tramp Ogayo jäne Tehastağı qarulı şabuıldarğa baylanıstı AQŞ-ta azalı kün jariyaadı.

Birqatar aqparat qwraldarı men sayasatkerler El'-Pasodağı qarulı şabuıl üşin Tramptıñ özin kinälağan. 21 jastağı Patrik Kruzius Latın Amerikasınıñ tumalarına oq atıp, manifesinde "Latın Amerikasınıñ AQŞ-qa basqınşılığına toytarıs bergisi keletinin" jazğan.

​Tramp bwğan "Jekköruşilikke Amerikada orın joq" dep jauap bergen.

Abai.kz

0 pikir