Qyzylorda oblysyna Arys qalasynyng 254 ýii men 15 nysanyn jóndeuden ótkizu jýktelgen bolatyn, onyng ishinde 9 ýy qalpyna keltirildi. Aymaq basshysy Quanyshbek Ysqaqov júmys saparymen Týrkistan oblysy Arys qalasyna arnayy baryp, qúrylys júmystarymen tanysty.

Esterinizge sala keteyik, Qyzylorda oblysyna 14 kóshe bólingen edi, onda 254 jeke ýi, 5 әleumettik jәne 10 kommersiyalyq nysan ornalasqan.

1 shildeden bastap ýilerding esik-terezelerin jәne shatyrlaryn auystyru bastaldy, qúrylys-montaj júmystary belgilengen jospargha sәikes tiyisti dengeyde jýrgizilude. Býgingi kýni 9 ýy tolyq qalpyna keltirilip, 74 ýide qúrylys-montaj júmystary jýrgizilip jatyr.

Oblys әkimi Quanyshbek Ysqaqov Arys qalasynda Syr ónirine bólingen nysandardy jóndeu júmystary turaly jurnalistterge súqbat berdi.

"Týrkistan oblysynyng Arys qalasyndaghy tótenshe jәne qayghyly jaghday eshkimdi beyjay qaldyrmady. Halqymyz "birlik bar jerde tirlik bar" demekshi, qazaq halqy qiyn sәtte әrqashan bir-birine qoldau kórsetken. Qayghyly habardy estigende Syr ónirining túrghyndary zardap shekkenderge kómek kórsetu ýshin qoldan kelgenin  ayaghan joq. Alghashqy kýnnen bastap qyzylordalyqtar arnayy qorgha aqsha audaryp, gumanitarlyq kómek jinaugha kiristi. Sonday - aq, ýilerdi qalpyna keltiruge oblystan eriktilerden qúralghan arnayy top kelip júmys istedi ", - dedi aimaq basshysy.

Ayta keteyik, 28-30 mausym aralyghynda memlekettik organdar, qúrylys, jobalau, tehnikalyq qyzmet mamandarynan qúralghan 66 adamnan túratyn top bólingen aumaqtaghy ghimarattar men qúrylystardyng zardap shyghyndaryn anyqtau júmysyn jýrgizdi. 5 әleumettik baghyttaghy jәne 10 kommersiyalyq nysannyng jóndeu júmystary iri qúrylys kompaniyalaryna bekitilgen. Sonymen qatar, bir túrghyn ýidi búzu, tegisteu júmystary atqaryldy.

"Búl júmystargha Qyzylorda oblysynyng 20 qúrylys kompaniyasynan 4 top bólingen. Qazirgi tanda 96 júmysshy jóndeu júmystarymen ainalysuda. Jospargha sәikes shilde aiynyng sonyna deyin jóndeu júmystary tolyghymen ayaqtalady. Jalpy, 2019 jyldyng 25 mausymy men 1 shildesi aralyghynda Arys qalasynyng túrghyndaryna Qyzylorda oblysynan 38 tonnadan astam gumanitarlyq kómek, yaghny kiyim-keshek, azyq-týlik jәne t. b. túrmystyq zattar jiberildi ", - dedi oblys әkimi.

2800 astam memlekettik qyzmetshi, budjetten qarjylandyrylatyn mekemeler, qoghamdyq jәne ýkimettik emes úiymdar, kәsiporyndar, aksionerlik qoghamdar men seriktestikter, sharua qojalyqtary, jeke kәsipkerler men mesenattar qarjylay  kómegin kórsetti.

26 mausym kýni Syr jastary atynan 50 jas erikti kómek kórsetuge keldi. Olar 2kýn boyy ýilerdi qalpyna keltiruge jәrdemdesti. 3 shilde kýni taghy 50 erikti kelip jetti.

2019 jyldyng 9-18 tamyz aralyghynda Arys qalasynan 150 bala Qyzylorda oblystyq bilim basqarmasynyng "Oblystyq olimpiadalar men qosymsha bilim beru ortalyghynda" tegin demalady. Balalar ýshin psihologiyalyq treningter, taugha ekskursiyalar, týrli ýiirmeler úiymdastyrylady.

Qyzylordada qabyldau punktteri de júmysyn jalghastyruda. Sonymen qatar, shilde aiynda barlyq budjettik mekeme qyzmetkerleri arystyqtargha taghy da bir kýndik jalaqylaryn audarady.

Sonday-aq, júmys sapary barysynda Qyzylorda oblysynyng әkimi Týrkistandaghy Shyghys monshasynyng qúrylysymen tanysty. Esterinizge sala keteyik, Týrkistan qalasynda Shyghys monshasy qúrylysy Elbasy N.Á.Nazarbaevtyng tapsyrmasy ayasynda jýrgizilude. Elbasy jergilikti atqarushy organdar men últtyq kompaniyalardyng basshylaryna jana aimaqqa әleumettik-mәdeny nysandardy salyp beru turaly tapsyrma bergen edi.

Abai.kz