Petropavl qalasynda túratyn Soltýstik Qazaqstan oblysynyng qúrmetti azamattary Jaqsylyq Ysqaqov pen Bolat Saghyndyqov, sonday-aq Zeynolla Oljabaev, Tanat Sýgirbaev, Amangeldi Kenjeghozinov, Ahmetjan Quantaev, Jangeldi Tәjin jәne Saghyndyq Salmúrzin syndy belsendi aghalarymyz elimizdegi Preziydent saylauy qarsanynda «Nur Otan» partiyasynan úsynylghan kandidat Qasym-Jomart Toqaevtyng oblystyq qoghamdyq qabyldau bólmesi arqyly Parlament Mәjilisining deputaty retinde maghan hat joldap, astanamyz Núr-Súltan qalasynda kórnekti memleket jәne qogham qayratkeri Júmabek Tәshenevke eskertkish ornatugha kómektesuimdi súraghan edi.

Men osy jóninde Núr-Súltan qalasynyng búrynghy әkimi Baqyt Súltanovqa hat jazyp, halqymyz airyqsha ardaq tútatyn tarihy túlghanyng dýniyege kelgenine kelesi jyly 105 jyl tolatyndyghyn eskere otyryp, oghan astanada layyqty eskertkish ornatu mәselesin qarauyn ótingen bolatynmyn.
Býgin astana әkimining orynbasary Erlan Kanalimov qol qoyghan resmy jauapty alyp, quanyp otyrmyn. Qala әkimdigi Júmabek Tәshenevke eskertkish ornatu ýshin jer telimi jәne qarjy kózi qarastyrylyp jatqandyghyn habarlapty. Eskertkish elordadaghy Júmabek Tәshenev kóshesining boyynda ornatylmaqshy.

Al Petropavl qalasynda qazaq jerining tútastyghyn saqtap qalu ýshin basyn bәigege tikken qaharman Erge eskertkish osydan birneshe jyl búryn ornatylghan bolatyn.

Kәribay Músyrmannyng facebook paraqshasynan

Abai.kz