Qazaqstanda azamattardyng kóshege shyghyp, narazylyghyn bildiruge rúqsat beretin arnayy zang qabyldanady. Búl turaly memleket basshysy Qasym-Jomart Toqaev Euronews basylymyna bergen súqbatynda aitty.

Toqaev kóshedegi zansyz mitingter men aksiyalardyng barlyghyna tosqauyl qoyylatynyn atap ótti. Biraq, onyng aituynsha, zang әzirlenip, qazaqstandyqtargha kóshege shyghyp, óz pikirin bildiruge rúqsat etiledi.

"Bas prokuratura kóshelerdegi sherulerding zansyzdyghy turaly talay mәrte eskertti. Zansyz miting, tәrtipsizdik múnday aksiyalargha qatysqysy kelmeytin adamdargha da kedergi keltiredi emes pe. Sondyqtan zang әzirlenedi. Narazylyq sheruine shyghyp, óz pikirin aitqysy keletinder tiyisti instansiyagha jýginedi. Ol adamdargha jinalyp, oi-pikirlerin bildiru ýshin arnayy oryn bólinedi", - dedi preziydent.

Al preziydent saylauy kýni jәne odan keyingi zansyz mitingter kezinde ústalghandarmen bas prokuratura ainalysyp jatyr.

"Eger olardyng arasynda qoghamdyq qauipsizdikke aitarlyqtay ziyan keltirmegen adamdar bolsa, olar tayau arada bosatylady, әriyne. Maghan olardyng arasynda kezdeysoq ústalghandar da bolghanyn habarlady. Biz olardy tez arada bosatamyz. Búl mәsele sheshiledi", - dep sendirdi Toqaev.

Memleket basshysy kezekten tys preziydent saylauyn ótkizu kezinde keybir uchaskelerde zang búzylghan boluy mýmkin ekenin aitty. Biraq, onyng pikirinshe, saylau jalpy alghanda ashyq әri әdil ótken.

"Ashyq saylau ótkizuge barlyq jaghday jasaldy. Keybir uchaskelerde zang búzushylyqtar bolghan boluy mýmkin. Biz tolyq taldau jýrgizemiz, әriyne, eger rastalyp jatsa, úiymdastyrushylyq sharalary qolgha alynady", - dedi ol.

Al saylau әdil ótken joq dep qana aitqandar, preziydentting aituynsha, bosatylady.

"Áriyne, olar bosatylady, sebebi búl olardyng pikiri. Al men, mәselen, saylau, jalpy alghanda, әdil boldy dep sanaymyn, bar bolghany osy", - dedi memleket basshysy.

Toqaev biylik pen halyq arasyndaghy dialogty jolgha qoi qajet dep sanaydy. Búl ýshin onyng tapsyrmasymen qoghamdyq senim komiyteti qúryldy.

"Adamdar kóshege narazylyqtaryn bildirip shyqty. Qazir olardyng talaptaryna taldau jýrgizilip jatyr, negizinen búl әleumettik sipattaghy talaptar. Mening mindetim – osy talaptardy saralap, zerttep-zerdeleu. Kóshege shyqqan adamdardyng neni qalaytynyn biluimiz kerek", - dedi preziydent.

Toqaev óz sayasatynda jastardy biylikke tartugha jәne memlekettik manyzdaghy mәselelerdi sheshuge basymdyq beretinin qadap aitty.

Abai.kz