Jwma, 14 Tamız 2020
COVID-19 QAZAQSTANDA. Jwqtırğandar — 101372. Jazılğandar — 76756. Qaytıs bolğandar — 1269
Aymaq 2059 3 pikir 3 Mausım, 2019 sağat 12:13

Qızılorda oblısında malşılar sleti ötti

Qızılorda oblısı  Jañaqorğan audanında dästürli V malşılar sleti ötti.

Şarağa Qızılorda oblısınıñ äkimi Qırımbek Köşerbaev, QR Auıl şaruaşılığı ministri Saparhan Omarov, "QazAgro"  Wlttıq basqaruşı holdinginiñ Basqarma törağası Erbol Qaraşökeev, qarjı instituttarı basşıları, mal şaruaşılığı ğılımi-zertteu instituttarınıñ jetekşi ğalımdarı, sonday-aq Atırau,  Aqtöbe, Batıs Qazaqstan,  Jambıl, Qarağandı jäne Pavlodar oblıstarınıñ agrarları qatıstı.

Slet ayasında jergilikti auıl şaruaşılığı tauarın öndiruşilerdiñ auıl şaruaşılığı önimder, veterinarlıq tehnika jäne  jabdıqtarınıñ körmesi wyımdastırıldı. Sonımen qatar, seminar ötkizilip, onda selekciyalıq mal şaruaşılığın damıtu jäne auıl şaruaşılığı önimderiniñ bäsekege qabilettiligin arttıru mäseleleri talqılandı.

"Baqıtjan" ŞQ (mwnda "äulieata", "aqbas" jäne "angus" twqımdı iri qara mal ösiriledi) reproduktivti şaruaşılıq alañında mal şaruaşılığı salasın damıtudıñ özekti mäseleleri boyınşa seminar, beyresmi kezdesuler wyımdastırılıp,  qatısuşılar özara täjiribe almastı.

Slettiñ saltanattı aşıluında oblıs äkimi Qırımbek Köşerbaev  soñğı jıldarı memlekettik qoldaulardıñ arqasında mal şaruaşılığında twraqtı damu tendenciyası qalıptasıp, agroönerkäsiptik keşenine bağıttalğan investiciyalar eselep ösip jatqanın atap ötti. Mäselen, soñğı 5 jılda agrarlıq salağa salınğan investiciya kölemi 27 esege wlğayıp, eksporttalatın önim türleri 3-ten 16-ğa deyin artıp otır.

«Mal şaruaşılığına twraqtı qoldaulardıñ arqasında oblısta mal bası ötken ğasırdağı eñ köp bolğan 1993 jıldan astı. Soñğı 5 jılda et öndirisi 2,8 esege, al, süt öndirisi 1,7 esege arttı. Elbası «Agrarlıq sektor – ekonomikanıñ jaña drayverine aynaluı» qajettigin erekşe atap körsetip, agrarlıqtardıñ aldına eñbek önimdiligin jäne qayta öñdelgen önimderdiñ eksportın 2,5 esege arttıru turalı maqsat qoyğanın jaqsı bilesizder. Osı tapsırmalardı orındau maqsatında biz oblıstıñ auılşaruaşılığı önimderin ötkizu rınoktarına keşendik marketingtik zertteuler jürgizip, nätijesinde, oblıstıñ agroönerkäsip keşenin 2022 jılğa deyin damuınıñ «Agrokartası» äzirlenip, iske asırıluda. «Agrokarta» ayasında auıl şaruaşılığı önimderin eksporttau kölemin 2021 jılğa qaray 5 esege deyin wlğaytu joldarın ayqındadıq»,-dedi aymaq basşısı.

Agro karta ayasında mal şaruaşılığı salasında birqatar iri jobalar iske asırıluda. Mäselen, «Sıbağa» bağdarlaması ayasında şet elderden asıl twqımdı iri qara malı jetkizilip, oblısta 8 reproduktivtik şaruaşılıq  wyımdastırıldı. Sonımen birge, aymaq halqın sapalı ekologiyalıq taza tabiği önimdermen qamtamasız etu üşin oblısta 1200 basqa arnalğan süt öndiru keşeniniñ, mıñ basqa arnalğan eki bordaqılau alañdarınıñ qwrılıstarı jürgizilude. Et, süt şaruaşılığın damıtumen qatar, oblısta 5 qws şaruaşılığı wyımdastırılıp, jwmırtqa öndirisi 1,6 esege arttı.

«Osılayşa,  oblısta et eksportın qamtamasız etudiñ negizi qalandı dep aytuğa boladı. Öñirde jılına 25 mıñ bas müyizdi iri qara malın bordaqılaytın iri jäne orta mal bordaqılau alañdarı jwmıs jasaydı. Oblıstıñ ausıl auruınan buferlik aymaqtan şığuınıñ arqasında Iranğa, Birikken Arab Ämirligine, Monğoliyağa, Reseyge, Özbekstanğa tiriley qozı, iri qara maldarın etke eksporttau bastaldı. Et önimderiniñ ekportın wlğaytu üşin biıl jılına 5 mıñ tonna et önimderin öndiretin halıqaralıq standartarğa säykes keletin et kombinatı iske qosılatın boladı. Keleşekte et-süyek wnın öndiretin, balıq jemin şığaratın jäne jün, teri öñdeytin öndiristerdi damıtu josparlanuda»,-dedi aymaq basşısı.

"Barlıq salalıq wyım ökilderiniñ qatısuımen ötken osınday auqımdı şarağa qatısqanıma quanıştımın. Memlekettik "Sıbağa" bağdarlamasın kezinde alğaşqılardıñ biri bop Qızılorda oblısınıñ qoldap, jüzege asırğanın jäne jaqsı nätije körsetkenin erekşe atap ötkim keledi", - dedi Saparhan Omarov.

Dästür boyınşa slet ayasında agrarlıq salanıñ eñ üzdik qızmetkerlerin 11 nominaciya boyınşa marapattau räsimi ötti: Asıl twqımdı mal ösiretin üzdik reproduktor şaruaşılıq; et bağıtındağı auıl şaruaşılığı kooperativi; üzdik süt bağıtındağı auıl şaruaşılığı kooperativi; üzdik mal önimderin öñdeu käsipornı; üzdik qws şaruaşılığı;  üzdik baqtaşı; üzdik şopan; üzdik jılqışı; üzdik tüyekeş; üzdik veterinar; mal şaruaşılığı salasınıñ damuına üles qosqan üzdik BAQ ökili.

İs-şara koncerttik bağdarlama men wlttıq sport türleri boyınşa sayıstarmen jalğasın taptı.

Abai.kz

3 pikir