Aqordada Qazaqstan Respublikasy Preziydentining janyndaghy «Ruhany janghyru» baghdarlamasyn iske asyru jónindegi últtyq komissiya otyrysy ótti.

Memleket basshysy Qasym-Jomart Toqaevtyng Jarlyghymen janartylghan Últtyq komissiya qúramyna Qazaqstan Respublikasynyng Memlekettik hatshysy Marat Tәjin jetekshilik etedi. Komissiya otyrysynda «Ruhany janghyru» baghdarlamasy men Elbasynyng «Úly dalanyng jeti qyry» atty maqalasynyng iske asyrylu qorytyndylary, sonymen qatar jana jobalardy jýzege asyru josparlary qaraldy.

Jiyndy ashqan Memlekettik hatshy Marat Tәjin eki jyl ishinde qoghamdyq jәne tarihy sanany janghyrtudy maqsat etken auqymdy júmys atqarylghanyn atap ótti.

Latyn grafikasy negizindegi qazaq әlipbii bekitildi. «Tughan jer» jobasy ayasynda mesenattar qarajatyna 27 mektep, 115 balabaqsha, 479 әleumettik infraqúrylym nysany salyndy.

Sonymen qatar, el tarihynda alghash ret shet tilderden ekonomika, әleumettanu, sayasattanu, psihologiya jәne ózge de ghylym salalary boyynsha әlemdegi 48 ýzdik oqulyq qazaq tiline audarylyp, basyp shygharyldy. Elding gumanitarlyq bilim qory 2019 jyly taghy 30 kitappen tolyqpaq.

Sonday-aq BÚÚ-nyng negizgi 6 (aghylshyn, fransuz, ispan, arab, qytay, orys) tilinde Qazaqstan jazushylary men aqyndarynyng proza jәne poeziya antologiyalary baspagha әzirlenip, osy jyly jaryq kóretin bolady.

Abai.kz