Jýiening bazalyq funksionaly tegin bolady degen ministrlikting mәlimdemesine qaramastan mektep oqushylary elektrondy «Kýndelikke» nege aqy tóleydi?

Dәl osynday saualdy Mәjilis deputaty Kenes Absatirov Premier-Ministrding orynbasary Erbolat Dosaevqa joldady. Ángime 2016 jyldan beri pilottyq jobagha engizilgen sәtten beri ýnemi syngha úshyrap jýrgen «Kýndelik» avtomattandyrylghan aqparattyq jýiesin iske qosu jóninde bolyp otyr

Deputat 2018 jyldyng mamyr aiynda «Aq jol» fraksiyasynyng «Kýndelik» jýiesin engizuding zandylyghy men qauipsizdigine qatysty deputattyq saualyna bergen jauabynda Bilim jәne ghylym ministri onyng derekteri Ministrlikting memleketke tiyesili serverinde saqtalady dep týsinikteme bergenin eske salyp ótti. Alayda sol jyldyng kýzinde «Kýndelik» jýiesi «Aqparattandyru turaly» Zanda qarastyrylghan aqparattyq qauipsizdik talaptaryna sәikestigin anyqtaytyn synaq rәsimderinen ótpegeni anyqtaldy. Sәikesinshe, ony paydalanugha beru, onyng ýstine memlekettik organnyng aqparattyq jýiesimen biriktiru merziminen búryn iske qosylghan.

«2018 jyldyng qantar aiynda synap kóruding ong nәtiyjesi kórsetilui tiyis Aktisi, tehnikalyq qújattamany saraptau jәne aqparattyq qauipsizdik talaptaryna sәikestik Attestaty bolmay jatyp memlekettik-jeke menshik әriptestik turaly Kelisimshart qalaysha jasalghan?», - dep «aqjoldyqtar» saual qoya otyryp, kelesi mәselege nazar audardy.

«Kýndelikti» әzirleushiler men Bilim ministrligining ókilderi bir emes birneshe mәrte jýiening bazalyq funksionaly ýshin mektep oqushylary men onyng ata-analarynan eshqanday aqy alynbaydy dep mәlimdegen bolatyn.

Sondyqtan da atalghan resursty qoldanudy shyn mәninde mәjbýrlep mindetteuge jәne mobilidi qúrylghy arqyly «Kýndelik» jýiesinde kórsetiletin qyzmetterding basym bóligine qol jetkizu ýshin aqy tóleuge qatysty ata-analardyng narazylyq bildirui әbden týsinikti (aghymdaghy jyldan bastap aiyna 299 tenge nemese bir jylgha 2690 tenge).Sonymen qatar, paydalanushynyng ótinishi boyynsha aqyly negizde arnayy qosymsha jýie mýmkindigin qamtamasyz etetin Paydalanushy kelisimining 2.3 tarmaghyna qarama qayshy kelip, búl eshbir aldyn ala habarlandyrusyz jýrgizilgen. Búl qyzmet aqyly servistik qyzmet kórsetu turaly Kelisimmen rettelui tiyis edi.

Búdan basqa, deputattardyng pikirinshe, Paydalanushylar turaly ýshinshi túlghalargha aqparat berumen baylanysty tuyndaytyn Paydalanushy kelisimining keybir tarmaqtarynyng zandylyghyna qatysty da mәseleler bar. Búl jerde әngime Konstitusiyanyng 18-babynda kózdelgen azamattardyng jeke menshik, derbes ómiri jәne otbasylyq qúpiyalary jóninde bolyp otyr.

Osyghan baylanysty, «Aq jol» parlamenttik fraksiyasy viyse-Premierden:

1.Qúzyretti organdargha «Qazaqstan Respublikasyndaghy «Kýndelik» avtomattandyrylghan aqparattyq jýiesin qúru, engizu jәne ony iske qosudy qamtamasyz etu» jobasy boyynsha memlekettik-jeke menshik әriptestik kelisimshartyn jasasu kezinde aqparattyq qauipsizdikti qamtamasyz etu salasyndaghy zannamanyng talaptaryn saqtauyna tekseris jýrgizudi tapsyru;

1.Salalyq Ministrlikke «Kýndelik» aqparattyq jýiesin qoldanushylarynyng bazalyq aqparattyq resurstargha, sonyng ishinde mobilidi baylanys qúrylghylaryn paydalanu arqyly emin-erkin әri tegin qoljetimdilikti qamtamasyz etudi salalyq Ministrlikke jýkteu;

2.Ádilet ministrligine Qazaqstan Respublikasy zannamasynyng talaptaryna sәikestigin anyqtau ýshin Paydalanushy kelisimine saraptama jýrgizudi tapsyruyn súrady.

«Aq jol» QDP jәne onyng parlamenttik fraksiyasy saylaualdy baghdarlamany jýzege asyru boyynsha júmystardy jalghastyruda.

Abai.kz