Aqan Sataev Serik Sәpiyev turaly kino týsiretin bolyp, oghan akter izdep jatyr ghoy. Biraq әueli Bekzat turaly kino týsirilip bitui kerek edi. Ótkende Bekzat turaly serial shyghayyn dep jatyr dedi. Biraq Bekzat turaly kinonyng tolghaghy pisip-jetilmey jatqanyna qansha uaqyt... Bekzat turaly kino týsiru ýshin Bekzat tiri bolyp, parlamentte deputat bop otyruy kerek pe?

Bekzat qanshama jasóspirimge ýlgi bolatyn túlgha edi. Onyng ómiri kinogha súranyp túr. Sol kinogha Bekzattyng gitaramen әn salatyny, dombyra shertetini, geografiya pәnin qyzygha oqityny, gýldi jaqsy kóretini de qosylsa jaqsy edi.

Mysaly, Sataev kóshe arasyndaghy tóbeles turaly kino da týsirdi ghoy. Kóshe arasyndaghy tóbelesting kókesin sol Bekzattar kórgen shyghar. Týrkistannyng ana basy men myna basyna jattyghugha jýgirip baryp kelui de jasóskinge ýlgi bolar edi. Bekzat arqyly tәuelsizdik alghan alghashqy jyldardaghy qazaq otbasylarynyn, qoghamynyng qiyn jaghdayyn da kórsetuge bolar edi. Átten, qayda ketpey jatqan aqsha Bekzatqa kelgende jetpey-aq qoydy.

Eger Sәpiyev "Bekzattyng kinosy týsirilmey, men turaly kino shyqqanyn qalamaymyn" dese, seng qozghalar ma edi. Shirkin-ay, qazaqtyng jigitteri bir-birin qoldap jýrse ghoy deysin. 

19 jylda Bekzat turaly kinonyng týsirilip bitpeui úyat qoy, bylay qarasan. Osy amerikalyqtar, ýndister jylt etken sportshysy shyqsa, ol turaly keremet kino týsirip tastaydy. Auzyng ashylyp otyryp kóresin. Ony kórgen bala sportpen qalay ainylyspasyn?! Al bizde bolmaghyr komediyalardy týsirip, qazaq kinosyn damytyp jatyrmyz deydi. Ishinde sabaq alar týk bolmasa da kinoteatrgha baryp kóremiz. Ómiri dayyn kino adamdar turaly kino týsiruge kelgende qurap qalamyz!

Jadyra Narmahanova

Abai.kz