Qúrmetti oqyrmandarymyz, jas talanttardy qoldaugha baghyttalghan óte manyzdy, әri nәtiyjeli shara turaly bilgileriniz kele me? Biraz uaqyt búryn 5-11 synyp oqushylarynyng belsendi azamattyq ústanymy men eresek adamgha tәn kózqarasyna tandanghanymyz bar. Búl - «Balagha meyirimdi Qazaqstan» respublikalyq balalar festivalinde bolghan edi. Astanada ótken sharany Bilim jәne ghylym ministrligining Balalardyng qúqyn qorghau komiyteti úiymdastyrghan. Bir sәtke EKSPO  aumaghyndaghy «Energy Hall» pavilionynda, ministrlikterden kelgen salmaqty ókilder aldynda túrghan balalardyng shabytty jýzin elestetinizdershi!

Elding barlyq ónirinen kóshbasshylyq qasiyetimen kózge týsken, jastar qoghamdyq úiymyn qúrghan, halyqaralyq jәne respublikalyq olimpiadada, shygharmashylyq bayqaularda jeniske jetken 320-dan astam bala jinaldy. Festivaligha eresekter jaghynan memlekettik organdar, ýkimettik emes úiymdar men qoghamdyq úiym ókilderi, pedagogtar men ata-analar keldi.

Eki kýndik baghdarlama boyynsha balalar sharagha ózderi qojalyq etip, konferensiyany ózderi ótkizdi. Qonaqtargha festivali qatysushylarynyng qolynan shyqqan búiymdardan kórme úsynyldy. Eresekter balalardyng shygharmashylyq qiyaly men robototehnika, qazaq tilin ýirenu boyynsha enbekterining nәtiyjesine tanday qaqty.

Konferensiyada Qazaqstan Bilim jәne ghylym viyse-ministri Suhanberdiyeva Elimira Amangeldiqyzy, senator jәne Bala qúqyghy jónindegi tótenshe ókil Aytpaeva Sәule Muhanbedianqyzy, BÚÚ Qazaqstandaghy Balalar qorynyng ókili Oksamitnyy Yuriy Viktorovich, «Jas Otan» jastar qanaty tóraghasynyng orynbasary  Daulet Kәribek sóz aldy.

Konferensiya formaty ýlkender ótkizetin manyzdy forumdardan kem týspedi. Balalar salmaqty taqyrypta bayandama jasap, spiykerlerding  bayandamasyn rettep, moderatorlyqty óz qoldaryna alyp, kesh sonynda talqylanghan taqyryptar boyynsha qarar qabyldady.

Konferensiya balalardyng otbasy, qogham  ómirinde, tipti bala mýddesi tóniregindegi últtyq sayasat qalyptastyru mәselelerinde de qatysu qúqyn aiqyndap, moyyndatyp berdi. Jas úrpaqty qoghamnyng sheshushi mәselelerine erte aralastyru bolashaq kadrlardy dayarlap, olardyng azamattyq ústanymdaryn qalyptastyruyn jedeldetedi.

Konferensiya birneshe mindetti algha qoyghan. Atap aitqanda: bala shaqtan bastap azamattyq ústanym qalyptastyru; jasóspirimderding BÚÚ konvensiyasynda kórsetilgen qúqy men erkindigin jýzege asyrugha septesu; balalardyng boyyna әleumettik manyzdy qarym-qatynas daghdysynyng dәnin sebu; memlekettik organdar men balalar arasynda ózara әrekettestik ornatu.

Endi konferensiya taqyryptaryna toqtala ketsek.

«Qazaqstan – adamgershilik aumaghy» atty alghashqy taqyryptyng moderatory – Soltýstik Qazaqstannan kelgen 11 synyp oqushysy  Anastasiya Matchenya. Balalar adamgershilik-ruhany tәrbiye, óz basy men qorshaghan ortagha degen jauapkershilik, zamannyng ózekti mәselelerin sheshuge belsene aralasu jayyn sóz etti. Birinshi bolyp daryndy balalargha arnalghan Jambyl Jabaev (Shyghys-Qazaqstan oblysy) atyndaghy oblystyq arnayy mektepting 10 synyp oqushysy Núrayym Bagdanova sóz aldy. Ol «Mәngilik El» jalpyúlttyq iydeyasyn iske asyrugha bizding ýlesimiz» taqyrybynda bayandama jasady.  Odan keyin №2 orta mektepting (Aqmola oblysy) 11 synyp oqushysy Júldyzay Ospanova «Toleranttyq arqyly ruhany kelisimge» degen taqyrypta sóz aldy.

«Qauipsiz aqparattyq alang ýshin» degen taqyryptaghy ekinshi bólimning tizginin Maqsat Qúsainov atyndaghy Aqtóbe oblystyq daryndy balalargha arnalghan mamandandyrylghan mektep-internatynyng oqushysy Áyteke Tәjibay aldy. Búl baghyt balalardyng qatygezdikke toly internet-kontentting qaupin sezinu, internet qoldanushylardyng mәdeniyeti men jauapkershiligin arttyru ýshin tandalghan. №37 mektepting 9  synyp oqushysy  (Oral) Alimira Seytmúhanova «Aqparat, qogham jәne biz» degen taqyrypta sóz aldy. Al Bekejan Suleymenov atyndaghy (Shalqar audany, Ayshuaq auyly) mekteptin  5 synyp oqushysy «Qazirgi mektep oqushylarynyng mýmkindikteri men qajettilikteri» degen taqyrypqa dayyndalyp kelgen. Úzynkól orta mektebining (Qostanay oblysy) oqushysy Erkin Amangeldin «Aqparattandyrylghan jastar – aqparattyq qoghamnyng erteni» degen taqyrypta bayandama jasady. «Daryn» mektep-internatynyng (Týrkistan oblysy, Kentau qalasy) oqushysy Meyirlan Barkinbaev aqparattyq qauipsizdik turaly seksiyany «Aqparattyq qauipsizdik – beybit ómirding kepili» degen bayandamasymen ayaqtady.

Ýshinshi bólim «Zorlyq zombylyqsyz balalyq» dep ataldy. Búl seksiyany Taraz qalasyndaghy №13 orta metkepting oqushysy Isaak Mustupulo jýrgizdi. Búl taqyryp qoghamnyng nazaryn balalargha jasalatyn zorlyq-zombylyqqa audaru maqsatynda tandalghan. Biz ýnemi balalargha qamqorlyq kórsetuge ýndeuimiz kerek. Almatydaghy №51 mektep gimnaziyanyng 10 synyp oqushysy Ekaterina Surikova «Jasóspirimder qatygezdigi: sheshu joly balanyng qolynda» atty bayandama jasasa,  Oral qalasyndaghy №22 mektepting 10 synyp oqushysy Mәlik Ádilbek «Bizge qamqorlyq – bolashaqqa qamqorlyq» taqyrybyna dayyndalyp kelgen. Qyzylordadaghy №3 mektep-liyseyding 11 synyp oqushysy Maghjan Beketov ýshinshi seksiyany «Jastar zorlyq–zombylyqsyz ómirdi qalaydy» taqyrybymen japty.

Forum әdettegi manyzdy kәsiby sharalar sekildi nәtiyje qorytyndylanyp, qarar qabyldanyp ayaqtaldy. Sonynda gala-konsert boldy. Baqyttan jýzderi bal-búl janghan balalargha sertifikat, syilyqtar tabystaldy. Sonymen qatar elordanyng kórikti jerlerine sayahat úiymdastyryldy.

Abai.kz