Elbasy N.Nazarbaevtyng “Qazaqstandyqtardyng әl-auqatynyng ósui: tabys pen túrmys sapasyn arttyru” atty Qazaqstan Halqyna arnaghan Joldauynda auylsharushylyghy ónimderin sifrlandyrugha basa nazar audaru qajet degen bolatyn. Osyghan sәikes, Týrkistan oblysynda týie sýtinen dayyn úntaq shygharatyn zauyttyng qúrylysy ayaqtaldy.

Óndiris oshaghynyng jobalyq qúny – 7,5 mlrd. tenge. Kýnine 100 tonna sýt óndiretin kәsiporynda qazir jýz adam enbek etedi. Onyng 10-y qytaylyq maman bolsa, qalghany – jergilikti túrghyndar.

Búl – Ortalyq Aziyada tendesi joq, týie sýtinen qúrghaq úntaq shygharatyn jalghyz zauyt. Týrkistan industriyalyq aimaghynda ornalasqan kәsiporynnyng qúrylysy ótken jyldyng qantar aiynda bastalghan. Biyl mausym aiynda syrtqy qúrylys júmystary men qúral-jabdyqtaryn montajdau júmystary tolyq ayaqtaldy. Alyp óndeu kesheni tolyqtay songhy ýlgidegi zamanauy qúral-jabdyqtarmen qamtylghan. Barlyq jýie avtomattandyrylghan. Sifrly tehnologiyamen basqarylady. Týie sharuashylyqtarynan jinalghan sýt aldymen aldyn ala óndeu sehyna jetkizilip, osy jerde tolyq óndeledi.

Zauyt tәuligine 100 tonna týie jәne bie sýtin óndep, odan qúrghaq úntaq shygharady. Mysaly, 15 tonna týie sýtinen 1 tonna dayyn úntaq alynady. Al qútydaghy qúrghaq úntaqty sugha ezip, shúbat retinde paydalana beruge bolady. Bir qútynyng ishindegi úntaqtyng salmaghy – 330 gramm. Eger múny týie sýtine ainaldyratyn bolsaq, 3,5 litr dayyn shúbatqa ainalady. Zauyttan shyqqan dayyn ónim negizinen Qytaygha eksporttalady. «Odan keyin Europa elderi men AQSh-qa eksporttau josparda bar», – deydi zauyt mamandary. Ayta keteyik, kәsiporyn – Qazaqstan men Qytaydyng birlesken jobasy. Qytay investorlarynyng qarjysyna salynghan zauyt qúny – 21 mln. dollar, yaghny 7,5 mlrd. tenge. Dayyn tauar tolyqtay eksportqa shygharylatyndyqtan, ónim sapasyna qoyylar talap ta joghary.

Zauyt diyrektorynyng birinshi orynbasary Jazira Ozatqyzynyng aituynsha, qazir múnda 100 adam enbek etedi. Onyng 10-y qytaylyq maman bolsa, qalghan 90-ny – jergilikti túrghyndar. Al zauytqa qajetti shiykizat Týrkistan oblysyndaghy shýie sharuashylyqtarynan jetkiziledi. Shúbattyng bir litrin sharualardan 450 tengeden satyp alady. Búl, bir jaghynan, ónirdegi týie sharuashylyghynyng damuyna serpin berse, ekinshiden, últtyq susynymyz әlemdik naryqqa shyghady. Býkil Orta Aziya kóz tikken zauyt qazir synaq merziminde júmys istep jatyr. Búiyrsa, ýstimizdegi jyldyng sonynda tolyq iske qosylmaq.

Abai.kz