Elbasymyzdyng «100 naqty qadam» Últ josparyndaghy tiyisti qadamdardy jýzege asyru shenberinde memlekettik qyzmetkerlerge jalaqy faktorlyq-baldyq shkala boyynsha tólenetin bolady, dep habarlaydy Týrkistan oblysy әkimining baspasóz qyzmeti.

Biylghy jyldyng qazan aiynda Memleket basshysy «Qazaqstandyqtardyng әl-auqatynyng ósui: tabys pen túrmys sapasyn arttyru» atty Joldauynda Ýkimetke 2019 jyldyng 1 qantarynan bastap eng tómengi jalaqyny 1,5 esege arttyrudy tapsyrghan bolatyn.

Búl rette qyzmetkerlerding jauapkershiligi, derbestigi, tәjiriybesi, arnayy bilimi, jýktemesi sekildi faktorlar eskerilip, jalaqy taghayyndalady. Búl turaly býgin Týrkistan oblystyq ónirlik kommunikasiyalar qyzmetinde ótken brifingte QR Memlekettik qyzmet isteri jәne sybaylas jemqorlyqqa qarsy is-qimyl agenttigining Týrkistan oblysy boyynsha departamentining basshysy Ghalym Túrsynbaev mәlim etti. Onyng aituynsha, atalghan jýie memlekettik qyzmetshilerding óz isterine ýlken jauapkershilikpen qarap, sapaly júmys isteuine jeteleydi. Búghan qosa, jyl sonynda júmys nәtiyjesining tiyimdiligine sәikes qosymsha bonustar berilmek.

«Búghan deyin ortalyq jәne audan dengeyindegi memlekettik qyzmetshilerdin, sonday-aq, memlekettik jәne jeke sektorlarda qyzmetshige enbekaqy tóleude tensizdik boldy. Enbekaqy tóleuding jana jýiesi anyqtalghan mәselelerdi joyady. Búl jýie faktorly-baldyq shkala negizindegi túraqty bólik pen bonustardan túrady. Múnday jýieler AQSh, Singapur, Jana Zelandiya syndy ozyq elderde jәne de BÚÚ, Dýniyejýzilik pen Aziyalyq damu bankterinde qoldanylady. Qazaqstanda osy әdisteme birqatar jeke jәne kvaziymemlekettik sektorlar engizilgen», — dedi Ghalym Súltanúly.

Jana jýiening engiziluining taghy manyzdy aspektisi aumaqtar men ortalyq qyzmetkerlerining enbekaqylarynyng sәikessizdigining azayuy. Enbekaqylar arasynda aiyrmashylyq 70 payyzdan 10 payyzgha deyin kemigen. Búl aumaqtardan kadrlardyng jappay ketuin azaytyp, jergilikti memlekettik apparattyng túraqtylyghyn qamtamasyz etip, kadrlyq belsendilikti kýsheytip otyr. Sonymen qatar, Agenttikting Týrkistan oblysy boyynsha departamenti qyzmetshilerining jalaqysy da 2,5 esege deyin úlghaydy. Nәtiyjesinde Departamentte ótken konkursta jetekshi mamangha jariyalanghan bir oryngha 39 adam qújat tapsyrghan. Jalpy, enbekaqy tóleuding jana jýiesining engizilui birinshi kezekte memlekettik organdardyng ishki rezervterining qúryluyn qamtidy.

Abai.kz