Almaty әkimdiginde mektep diyrektorlarymen kenes ótti, onda bilim jýiesindegi sybaylas jemqorlyqqa qarsy is-qimyl mәseleleri talqylandy.

Kezdesudi ashqan Almaty qalasy әkimining orynbasary Arman Qyryqbaev Memleket basshysynyng bilim jýiesine airyqsha nazar audaratynyn, búl mәselening halyqqa Joldauynda aiqyn kórinis tapqanyn atap ótti. Bilim salasyn qarjylandyru jyl ótken sayyn arta týsude. Almatyda tek songhy 5 jyl ishinde ghana bilim salasyn qarjylandyru 27 mlrd. tengege ósken.

Almatyda mektep jasyna deyingi jәne jalpy orta bilim beruding sapasyn kýsheytu maqsatynda jyl ayaghyna deyin bilim jýiesi qyzmetkerlerining biliktiligin arttyrugha jәne PIZA, SAT, AST syndy halyqaralyq standarttargha kóshude birynghay kәsiby talaptar engizuge qatysty sharalar jospary bekitiledi. Memleket basshysy tapsyrmalaryn oryndau ayasynda eldi mekenderdi damytu josparlary mektep salu syzbalarymen ýndesedi, sonyng arqasynda jeke investisiyalar esebinen mektep qúrylystarynyng qarqyny artatyn bolady.

Degenmen, Memlekettik qyzmet isteri jәne sybaylas jemqorlyqqa qarsy is-qimyl agenttigining Almaty qalasy boyynsha Departamentining diyrektory Daniyar Taumúrat ózining sózinde bilim salasynda sybaylas jemqorlyqqa qarsy is-qimyldy belsendi týrde jýzege asyru qajettigin atap ótti.

«Qazirding ózinde júrtshylyq mektepti jóndeu, tazalau nemese basqa da sharalargha aqsha jinau faktilerining oryn alatyny turaly habarlap jatady. Biz múnday isterge ata-analar shyghyndanbaulary tiyis degen senimdemiz, óitkeni barlyq qajettilikter ýshin budjetten jetkilikti qarjy bólinedi. Sybaylastyqqa qarsy kýresting útymdy joly – sifrlandyru, múnda memlekettik qyzmet kórsetu prosessinde sheshim qabyldau ýshin adamy faktor joyylady. Bilim basqarmasy memlekettik qyzmetterdi avtomattandyruda, ótken jyldan bastap «Almaty mektep» baghdarlamasy júmys istey bastady, biylghy jyly bala baqshalargha kezekke qoi baghdarlamasy qolgha alynady», - dedi Daniyar Taumúrat.

Ol mektepterde aqsha jinaugha qatysty aqparattardyng barynsha tekseriletinin, eger onday kelensizdikter rastalatyn bolsa tiyisti qúqyqtyq bagha beriletinin aitty. Aqsha jinau faktilerine kinәli jandargha qatang sharalar qoldanylady, tipti sybaylastyqqa qarsy kýres zannamasyna say qylmystyq is qozghaluy mýmkin.

«Pedagogtardyng basty mindeti – balalardy oqytu men tәrbiyeleu. Qazirgi kezde ata-analardan oqu oryndaryn jóndeuge, týrli zattar alugha qatysty aqsha jinaugha esh negiz joq. Ókinishtisi, keybireuler ózderining memlekettik sektorda qyzmet etetinin úmytyp ketetin siyaqty. Memlekettik bilim mekemelerine tiyesilining barlyghy – memleketting menshigi, yaghny salyq tóleushilerdiki», - dedi qalanyng Bilim basqarmasynyng basshysy Gýlnar Qojabergenova.

Ol ózining sózinde jyl sayyn Bilim basqarmasy aqsha jinaugha jol bermeu maqsatynda әr mektepke «Bilim mekemelerinde aqsha jinaugha tiym salynghany turaly» hat jiberiletinin, ony oryndau qaladaghy bilim úiymdarynyng birinshi basshylaryna jýkteletinin aitty. Tek 2018 jyly 7 mektep diyrektorlary qyzmetterinen bosatylghan.

Abai.kz