(Uaqyttarynyz jetse bir qyzyq aitayyn)

2003 ne 2004 jyldary, mening janyma Mәskeude oqyp jýrgen jas jigit ýiirsek bolyp aldy. Almatygha kelse izdep, tauyp jolyghyp túrady. Óner, әdebiyet jayynda bilgeni kóp, onymen әngimelesken de qyzyq. "Aghalap" janymnan shyqpaugha tyrysady.

Jazdyng bir kýninde bir dostarynyng toyyna meni alyp bardy. Almatynyng jogharghy jaghynda, Alma arasan jaq býgingidey qúlpyrmasa da, dýrildey bastaghan. Kishigirim bir kafedegi toygha biraz otyryp, erterek qayttym. Ol jigitim ere shyqty. Navoy kóshesimen týsip, Farabiyge búrylghan jer ol zamanda qalyng aghash, ary qaray su jaghalap ketetin taram-taram jol edi. Sol aragha toqtap, shylym shegip, aghashtyng arasyna aryraq boyladyq. Bir kezde ynyrsyghan qyzdyng dausy shyqty. Dauys alystan emes, tastyng artynda ghana, tizesi jaralanghan, qoly sýrilip, ishin basyp jatyr eken. Qazaqtyng әdemi qyzy dep maqtaugha túrarlyq boyjetken. Bizden aldymen shoshyndy. Birte-birte boyy ýirendi. Oghan ne bolghanyn bayandap jatpayyn endi. Ótken is qoy... Dәrigerge aparayyq degenge ýsh ailyq qyzymdy qúrbym qarap qalyp edi, ýige jeteyin dedi. Ýiine jetkizdik. Mening әlgi jol serigim, ózi demep, ýiine alyp ketti. Bir kezde ýiden shyghyp, dәrihanagha baratynyn, dәri -dәrmek, jas sәbiyge de kerek-jaraqtar bar eken, jetkizip beretin bolyp, menimen qoshtasty.
Bir ay shamasy ótken song әlgi jigitim "Agha, ýilengeli jatyrmyn, aqyldasayyq" - dep, kelip túr. Bazardyng ishindegi bir shayhanagha kire saldyq. Janynda bayaghy boyjetken otyr. Qoldarynda әlgi jas sәbi! Ol jigitting ata-anasy joq, әpkesi Reseyde, jezdesi orys ekenin biletinmin. Onyng múndaghy jaqyny men ghana bolyp otyrmyn. Boyjetkenning әke-sheshesi Almatynyng manayyndaghy bir auylda túrady eken. Qyz auyrayaq bolghan song әke ashulanyp, sheshesi de syrt ainalghangha úqsaydy. Endi myna jigitim solardyng aq batasyn almay qosylugha bolmas, bizdi sonda alyp baryp, tanystyryp, tabystyrynyz deydi. Statusym kim ekenin bilmedim, myna jigitting adamgershiligine sýisindim. "Qyzdyng әke-sheshesine balanyng әkesi men dep aitynyz, Reseyde jýryp, keluge múrshasy bolmapty, endi keldi" - deyik dep, mening auzyma ótirik anyzdy salyp berdi.

Eki keshting arasynda qyzdyng aulyna kettik. Janbyr jaudy. Esikting aldyna toqtap, qaqpadan men kirdim, ekeui kibirtiktep artta qaldy. Ákesi de, sheshesi de syrtta jýr eken. Meni kórip, tanyp, ezu tartyp, abdyrap qaldy. Amandasyp jón súrasqan son, "Men Sizderding balalarynyzdy tauyp aldym" - dep, ekeuin shaqyrdym. Anasy jylap, qyzyn bas salyp qúshaqtay aldy. Áke de emirenip, mandayynan sýiip, sәbiydi iyiskep kóterip aldy. Jigitke asa qaraylamay túrdy. Ýige kirdik. Dastarhan jayyldy. Ábiger bolyp jatyr. Ýlkenderin shaqyryp, aldyma otyrghyzyp, endi men sheshendik ónerge basuym kerek qoy, sol kezde "Prinsessa" (oryssha oqyghanmyn ony) degen bir anyz esime týsti. Sony aita bastadym.
"Ertede bir koroliding qyzyn aittyrugha býkil әlemning koroli, patshasynyng balalary, jas hanzadalar kelipti. Hanshayym óte aqyldy qyz eken, kele jatqan hanzadalardyng jolynda, qúdyqtyng basynda jaman kiyim kiyip, bet-auzyna kýie jaghyp, gýl satyp túrady. eken. Janynan ótken hanzadalar odan jiyirkenip, keybireuining aty ýrkip kete beredi eken. Olardy hanshayym qabyldamay jibere beripti. Aqyry bir hanzadany tandaghan eken. Sebebi ol qyzdyng gýlin satyp alyp, ózin "Qanday kórikti qyz edin!" - dep maqtap ketipti. Sóitip hanshayym súlulyqty tany bilgen hanzadagha túrmysqa shyqqan eken" - dep, anyzdy ayaqtay kele, mynalardyng maghan ýiretken ótirik anyzyn aitpay, qalay tanysqandaryn, qalay tabysqandaryn bayandap berdim...
Qyzdyng әkesi:
- Bәse, kózime tәrbiyeli jigit bop kórinip edin, ainalayyn! - dep, jigitti bauryna basyp, kóz jasyn tyya almay qaldy...
Olar qazir Qazaqstanda emes, taghy bir úldary bar, baqytty siyaqty...

Asqar Naymantaydyng facebook paraqshasynan

Abai.kz