Reseyding ne oilaghany bar
11 qyrkýiek kýni Resey 37 jyldan keyingi eng iri әskery jattyghuyn bastady. Kýlli әlemning nazary qazir osynda. Jattyghugha 300 myng sarbaz, 1200 úshaq pen tikúshaq, 84 keme, 36 myng tank, brondalghan kólikter, SAU jәne t.b qatysyp jatyr. Jalpy kólemi súmdyq endi. Jattyghular bir aptagha sozylmaq. Al bizdegi әskery sarapshylar búl jayynda lәm-mim demedi. Jattyghu bolyp jatqanyn bile me ózi? Oi, anyghy bizde әskery sarapshy bar ma?...
Búl jattyghu búrynghysynan ózgerek. Ony bayqaytyn kóz kerek. Nege?
1. Búghan deyingi iri jattyghular Reseyding batysynda, Ukrainamen shekaralas ónirlerde ótti. Ony negizinen Europagha, Baltyq jaghalauyna kelip, Gruziyamen qúshaqtasqaly túrghan NATO-gha kórsetken qyry retinde qabyldaugha bolady. Tipti Qyrym men LDNR-ge qatysty sayasy qoqandau dese de jarasady. Al búl jolghy jattyghu kerisinshe Qiyr Shyghysta ótip jatyr. Jýzdegen myng әskerdi birden alys qashyqtyqqa jetkizu jattyghuy tegin emes. Batysqa qarap túrghan "Sauronnyng kózin" shyghasqa ne búrghyzdy eken? Qytay ma? Álde, Japon ba? Bәlky әne-mine atysyp ketui mýmkin KHDR-degi AQSh-pen "ótirik dostyq" statusy ma?
2. Ekinshiden búl jolghy jattyghudyng maqsaty basqa. Búghan deyingi jattyghulardyng kópshiligi qorghanysqa negizdelse, búl joly shabuyl taktikasy men strategiyasy qaraluda. Bir mezette 300 myng әskerdi shabuylgha bastau jospary bolsa, onda jaudyng da sany men sapasy onay bolmaghany. Soghan qaraghanda "ekonomikalyq jaghday búdan beter nasharlay berse, amal joq, kimdi bolsa da alqymdap ketemiz" dep otqan joq pa Mәskeu. Shyndyghyna kelgende Reseyge óz halqynyng qazirgi kónil-kýiin aulau ýshin soghys kerek. Basqa amaly joq. Halqyn tynyshtandyratyn qarajat joq bolsa, onda olardy "patriotizm" degen esirtkimen egip qoi lazym. Ol esirtki soghys jaghdayynda tamasha әser etedi. Qabyldaghan jan qarajatty emes, qandy ansap túratyn bolady. Onyng ýstine Reseyding patriotizmi shovinizm degen ýlgimen ýilesip túr. Qysqasy Mәskeu eng jaman ssenariyge dayyn syndy. Onyng qazaqqa da әseri bolary anyq. Týrli odaqpen baylanghan qazaq Mәskeuding avanturasynyng qúrbany bop ketpese bolghany...
3. Reseydegi jattyghudyng jiligin shaghyp, mayyn ishtiretin bir tamasha әskery sarapshy bolsa, osynda óz oiyn jazsa ghoy shirkin. Qarjy joq uaqytta, qyruar qarjysyn shashyp ótkizgen búl jattyghuy qúr ses pe, soghys samaly ma? Osyny týsindirse. Tipti qansha sayttan izdedim, tappadym. Qate oiymyzdy dúrystap otyrsa.
Ashat Qasenghalidyng facebook paraqshasynan
Abai.kz
