QR Últtyq sport qauymdastyghynyng preziydenti Bekbolat Tileuhan býgin Astanada Dýniyejýzilik kóshpendiler oiyndarynyng qorytyndysyna oray baspasóz jiynyn ótkizdi. 

Jiyn barysynda Bekbolat Tileuhan songhy kóshpendiler oiynynda oryn alghan kókparshylargha qatysty kelensiz oqighany týsindirip, jurnalisterding súraqtaryna jauap berdi.

Abai.kz sayty aldymen kókpar dodasynyng jartylay finalynda Ózbekstannan jenilgen qazaq kókparshylarynyng әreketi sayasat pa degen súraq tónireginde taldau jasap, odan keyin "qazaq kókparshylary ózbekterden әdeyi jenildi" dep aiyptaghan qyrghyz azamatynyng sózine QR Últtyq sport qauymdastyghynyng jauap beruin talap etken edi.

Býgin atalghan qauymdastyqtyng preziydenti Bekbolat myrza el aldynda bergen týsiniktemesine nazar audaryp, óz súraqtarymyzdyng jauabyn izdedik. Bekbolat Qanayúlynyng aituynsha, Ózbekstannan jeniluimizge bizding qúramanyng tәjiriybesizdigi sebep bolghan. Qyrghyz jerine elimizding ekinshi qúramy barghan eken.

— Kóshpendiler oiynyna bizding eresekter qúramasy barghan joq. Aldynghy eresekter qúramasy barghan kezde bizding kókparshylar ekinshi oryn alyp qalghan. Sondyqtan, jalpy kókparshylarmen, osy saladaghy mamandarmen aqyldastyq. Búl Aziya nemese Álem chempionaty emes, bar bolghany festivali ghoy. Biz búl dodagha jastar komandasyn saldyq. Jastar da dodagha týsip, sol synnan ótui kerek. Qyrghyzstanda oinaghan - Qazaqstannyng jastar komandasy. Maqsatymyz oryndaldy. Bardy, oinady, óte jaqsy dәrejede óner kórsetti dep oilaymyn, - dedi Bekbolat Tileuhan.

QR Últtyq sport qauymdastyghynyng preziydenti әleumettik jelidegi kópshilikting elimiz kókpar qúramasyn qatty synap jatqanyna kelispeydi. Ol kisining aituynsha, sportta jenis pen jenilis qatar úghym. Onyng ýstine, elimizde ótken jarysta qyrghyz sportshylaryna qiyanat jasaldy degen bos sóz eken.

— Sport bolghannan keyin bireu jenedi, bireu jeniledi. Eresekterdi jibersek, jenetinimiz anyq. Endi jastar da kirispey me!? Bizding jetekshi retinde aldymyzgha qoyyp otyrghan negizgi maqsat bar - búl әdildik. Qazaqstannyng jerine kep oinaghanda, audaryspaghynyz bolsyn, kókparynyz bolsyn - әdildikten bir santiymetr tayghan jeri joq. Óitkeni, qalyptasu kezenindegi oiyn bolghannan keyin bastalmay jatyp, әdiletsizdikke baratyn bolsaq, berekesi ketip qalady, - deydi ol.

Bekbolat Tileuhan sonymen qatar, Últtyq sportqa bólingen qarjynyng qayda júmsalghanyn da aityp berdi. Ol kisining aituynsha, Últtyq sportymyzgha bólinetin qarjynyng mólsheri az bolghandyqtan qajet kezde qarjyny basqa jaqtan izdeuge de tura keletin kórinedi.

— Ashyghyn aitayyn, osy uaqytqa deyin 200 million tenge bólindi. 40 payyzgha juyghy jýlde qoryna ketti. Ony bilu qiyn emes. Jenis túghyrynda túrghan sportshylar qolyna sertifikatty ústap túr ghoy. Sonda sanap alsanyzdar, sol somanyng 30-40 payyzy shyghady.

Basynnan tómen qaray aspa-tók aqsha tógilip jatsa qyzyq shyghar?! Aynalyp kelgende anaghan-mynaghan jalpaqtap jalyghasyn. "Áy, jigitter, bere túryndarshy. Senderge bergenge aqsha bolmay túr. Osynyng bir esebin tabarmyn" dep ózderine jalynyp ketesin, - dey kele Bekbolat Tileuhan osy uaqytqa deyin últtyq sport týrlerin órkendetuge ýles qosyp jýrgen azamattargha alghysyn bildirdi.

Sóz sonynda Últtyq sport qauymdastyghynyng preziydenti qyzmetinen ketuge de qarsy emes ekenin aitty. Songhy uaqytta Bekbolat Tileuhannyng ornyn bosatuyn talap etushiler qarasy artqan bolatyn.

— Dәl qazir quana-quana ketuge dayynmyn. Júmysymdy istey alatyn adam úsynsa, ornymdy qazir-aq bosatugha dayynmyn. Búl oryngha jabysyp qalghan eshtenem joq. Men ózime tiyesili júmysty oryndadym dep oilaymyn. Áli de orynday bermekpin.

Taghy da aitayyn, Búl oryngha jabysyp qalghan eshnәrsem joq. Rahatanyp basqaryp, atyn shygharyp otyr dese — ol ekinshi mәsele. Jasyratyn eshtenesi joq. At pen tanymaldylyqqa zәru bolyp jýrgen adam emespin. "Últtyq sport Bekbolatqa kerek pe? Bekbolat últtyq sportqa kerek pe?" degen taghy bir mәsele bar. Maqtanyp jatqanym joq. "Taza minsiz asyl sóz sher tolqytsa shyghady" demekshi, aldylarynyzda sherimdi tarqatyp otyrmyn, - dep qorytyndylady sózin Bekbolat Tileuhan.

Ayta ketsek, osyghan deyin Qyrghyz Respublikasynda ótken III Dýniyejýzilik kóshpendiler oiyndarynda Qazaqstan qúramasy jalpykomandalyq esepte ekinshi oryn alghan bolatyn. Sonday-aq, ózbekten jenilgen qazaq kókparshylary kóshpendiler oiynynyng qola jýldegeri atanghan.

Quanysh Qappas

Abai.kz