Senbi, 24 Qazan 2020
COVID-19 QAZAQSTANDA. Júqtyrghandar — 110250. Jazylghandar — 105566. Qaytys bolghandar — 1796
Qúlaqtyng әngimesi 8063 3 pikir 28 Tamyz, 2018 saghat 18:02

«Júmbaq syilyq» hәm ózgergen otbasylyq suret

Reseylik rejisser Sergey Komarovtyng  “Júmbaq syilyq” (“Zagadochnyy dar”) atty melodramasy bar. Ssenariy avtory – Arkadiy Iniyn. 2016 jyly shyqqan tuyndy eken.

Liza esimdi qyzdyng mahabbat oqighasymen qatar onyn  erekshe qasiyeti turaly bayandalady. Osy filimde bizding nazarymyzdy audarghan bir epizod boldy. Ol – bas keyipker Lizanyng Davlat atty aula sypyrushy jigitpen bolghan әngimesi.

Tәjikstannan kelgen jigit Lizagha otbasylyq suretin kórsetedi. Zer salyp qarasanyz ol Qazaqstan Respublikasynyng Preziydenti Núrsúltan Nazarbaevtyng otbasymen týsken sureti. Biraq, Preziydentting ornyna tәjik shaldyng suretin almastyrghan. Al, ainalasynda otyrghan Sara Nazarbaeva, Timur Qúlybaev bastaghan basqa da otbasy mýshelerin kóruge bolady.

Davlat ol “otbasyn” jeke-jeke tanystyrady.

“Biz negizi on bir aghayyndymyz. Mynau mening ýlken әpkem Fatima” dep Sara Alpysqyzynyng suretin kórsetedi. Al, myna kishkentay Rahim deydi, ol kim ekenin naqty bilmedik. Mynau taghy bir әpkem Zulifiya deydi.

Lizanyng «әpkeng óte әdemi eken» degen sózine:

– Eng әdemisi myna kisi, – dep Elbasynyng ornyna ózgertip qoyghan qariyanyng suretin kórsetedi. – Baba Rahiym. 92 jasta. Oghan әli kýnge qalyndyqtar keledi. Biraq, aqsham joq dep ýilenbey jýr, – deydi.

Osy eki minuttyq epizod bizdi biraz oigha qaldyrdy.

Bizding týsinbegenimiz, filimge nege dәl osy suret tandaldy? Rejisser búl epizod arqyly ne aitqysy keldi? Bir elding Preziydentin jәne otbasyn tanymay qaldy deu qisynsyz. Kezdeysoqtyq deuge de kelmeydi. Al, ony osylay paydalanuynyng astarynda ne jatyr?

Mýmkin, Komarovtyng tәjikting joghary bilimdi azamatyna Reseyde jay ghana aula sypyrtyp qoyy da kezdeysoqtyq emes shyghar. Tipti, Lizanyng qúrbysy sol tәjik jigitpen әngime arasynda «Kenes imperiyasy kezinde jaqsy edi, bәrimiz bir otbasynday boldyq. Qazir ghoy, úrlap ketti, óltirip ketti degen habarlardan kóz ashpaymyz» degen sózder aitady. IYә, qarapayym ghana aulada bolghan әngime. Biraq, astaryna ýnilseniz, biraz dýniyeni angharugha bolatynday...

Bizding biluimizshe, kino – iydeologiyalyq qúral. Rejisser keybir ashyq aita almaytyn  dýniyelerin halyqqa kino keyipkerlerining tilimen aitqyzyp jatatyn sәtteri bolady. Demek, osy bir ýsh saghattyq tuyndynyng da aitar oiy, arqalaghan mindeti bar bolugha tiyis.

Biraq, búl “Júmbaq syilyqtyn” astarynda taghy qanday júmbaqtar jatqanyn baghamdaudy Sizderge qaldyrdyq...

Núrbiyke Beksúltanqyzy

Abai.kz

 

3 pikir