Almaty shaharynyng әkimi Bauyrjan Baybek júmys barysynda qalanyng injenerlik kommunikasiyalarynyng janartu qarqynyn tekserdi. Qazirgi kezde megapoliste 12 shaqyrym jylu jelilerining jóndeu júmystary, qoldanystaghy gaz qúbyrlarynyng keneytilui jәne, 120 mynnan astam túrghyngha arnalghan, jana su qúbyrlarynyng ótkizilui ayaqtaluda, - dep habarlaydy Abay-aqparat Almaty qalasy әkimdigining saytyna silteme jasap.

Almaty qalasy Energetika jәne kommunaldyq sharuashylyq basqarmasynyng basshysy Maqsut Isahovtyng aituynsha, jýrgin bóliktegi injenerlik jelilerding qayta óndelui aidyn ayaghynda ayaqtalady, sonymen avtokólikterding barlyq uchaskelerde kedergisiz jýrui qamtamasyz etiledi. Sonymen qatar, qayta óndeu kezinde qala túrghyndaryn ýzdiksiz ystyq sumen kamtamasyz etken, uaqytsha kestelerdi búzu jәne aumaqty kóriktendiru boyynsha júmys jalghasady.

Biylghy jyly Tóle by (Varlamov - Ótegen batyr - Otarskaya jәne Rozybakiyev – Tlendiyev kósh.), Bógenbay batyr (Múqanov – Aytiyev kósh.), Jambyl (Pushkin - Nazarbaev), Qazybek by (Ualihanov – Abdullin kósh.), Qarasay batyr (Nauryzbay batyr – Chaykovskiy kósh.), Chaykovskiy (Qarasay batyr - Tóle bi) jәne Shagabutdinov (Qúrmanghazy - Ortalyq stadion) kóshelerinde injenerlik jeliler janartyldy.

Songhy jyldary Almaty qalasynda 800 shaqty shaqyrym injenerlik jeliler salynyp, qayta óndeldi. Onyng ishinde 313 shaqyrym su qúbyry, 266 shaqyrym kәriz jýiesi, 15 shaqyrym elektr qúbyrlary jәne 32,3 shaqyrym jylu qúbyrlary.

Úzyndyghy 500-dey shaqyrymdy qúraytyn 524 kóshe jәne jayau jýrginshilerge arnalghan, úzyndyghy 100 shaqyrymdy qúraytyn jayaujol jóndeldi. Almatynyng 3 787 aulalarynan 1 400-dey aula janartylyp, qayta óndeldi. Barlyq jerasty ótkelilerding kýrdeli jóndeu júmystary ayaqtaluda.

Sonymen qatar, shahardyng tarihy ortalyghynyng qayta jóndeu júmystary jalghasuda. Byltyr Panfilov, Jibek joly, Gogoli, Qabanbay batyr, Tólebaev, Bayseitova kósheleri jәne «Astana» alany janartylsa, biyl Abay danghyly, Abylayhan, Dostyq, Nazarbaev, Jeltoqsan kósheleri, «Almaty-2» beketining aumaghy jәne Respublika Sarayynyng aldyndaghy alang jóndelude.

Abai.kz