«Núr Otan» partiyasy Tóraghasynyng Birinshi orynbasary Mәulen Áshimbaev Qaraghandy oblysyna jasaghan sapary barysynda osylay dep mәlimdedi.

Sapar barysynda ol Jezqazghan qalasyndaghy «Úlytau Nan» nan zauytyna, «UTARI KZ» kompaniyasynyng tigin sehyna, oqushylargha baghdarlamalau men robot tehnikalarynyng negizderin ýiretetin IT-ortalyqtar men IT-synyptargha jәne Sәtbaev qalasyndaghy jergilikti kitaphana bazasynda ashylghan «So-working ortalyqqa» bardy.

Jezqazghanda baghdarlamalau negizderin ýiretetin IT-ortalyq «UTARI KZ» óndiristik innovasiyalyq kompaniyasynyng bazasynda ashyldy. Ol jerde balalargha arnalghan tegin IT-synyptar júmys isteydi. Mәulen Áshimbaev atalghan oryndargha da arnayy baryp, kompaniyanyng júmysymen tanysty. Búl jerde himiya, múnay-gaz, metallurgiya, tamaq, dәri-dәrmek, avtomobili óndirisi, kommunaldyq sharuashylyq, transport pen qúrylys salasynyng júmysshylary ýshin arnayy kiyimder shygharylyp, kýndelikti ómir men demalugha arnalghan kiyimder tigiledi. Kәsiporyn kompiuterlik baghdarlamamen basqarylatyn arnayy qondyrghymen jabdyqtalghan.

Tigin sehynyng júmysshylarymen kezdesken partiya Tóraghasynyng Birinshi orynbasary songhy ailarda «Núr Otan» partiyasy әleumettik mәselelerge jiti kónil bólip, auqymdy júmystar atqaryp jatqanyn tilge tiyek etti.

– «Núr Otan» partiyasy Elbasynyng tapsyrmasy boyynsha jastardy súranysqa iye, zaman talabyna say mamandyqtar boyynsha oqytyp, sapaly bilim aluyn qamtamasyz etudi kózdeydi. Sondyqtan elimiz boyynsha IT-synyptar ashudy qolgha aldyq. Múnday synyptardy Astana, Almaty siyaqty iri shaharlarda ghana emes, Jezqazghan siyaqty monoqalalar men audandarda ashyp, ortalyqtan shalghayda jatqan eldimekenderdegi balalardyng sifrlyq sauattylyghyn arttyrugha, bәsekege qabiletti boluyna, bolashaqtyng mamandyqtaryn iygeruge jaghday jasauymyz kerek. Osy túrghydan kelgende Qaraghandy oblysynda atqarylyp jatqan júmystar kónil quantady, – dedi «Núr Otan» partiyasy Tóraghasynyng Birinshi orynbasary.

Sonymen qatar Mәulen Áshimbaev «Ruhany janghyru» baghdarlamasynyng «Tughan jer» jobasy boyynsha qayta janghyrtylyp, paydalanugha berilgen «UTARI KZ» kompaniyasynyng jataqhanasyna bardy. Búl jataqhananyng ózgelerden basty aiyrmashylyghy retinde onda birqatar partiyalyq jobalardyng jýzege asyryluyn aitugha bolady. Yaghny núrotandyq kәsipkerler búl jerde jana partiyalyq bastamalarmen ýndesetin birneshe qyzyqty bilim beru jobalaryn iske qosqan. Aytalyq, ghimarattyng birinshi qabatynda «Open space library» aimaghy – ashyq elektrondyq kitaphanasy ornalasqan, al janynda «Ýsh túghyrly til» baghdarlamasy boyynsha ashylghan – «Qazaq kluby» men «English club» júmys isteydi. Jataqhanada derbes «Co-working ortalyghy», «Yarkie umy» bilim men damu ortalyghy, «Liyderler mektebi», «Business mentoring» jәne «Magic kitchen» ortalyqtary, shahmat pen toghyzqúmalaq oiynynyng studiyasy bar. «Núr Otan» partiyasynyng balalargha arnalghan tegin IT-synyptar jobasy boyynsha «IT TECHNOLOGY FOR YOU» ortalyghynyng bazasynda qazirgi zamanghy IT-synyptar ashylghan.

Sapar sonynda Mәulen Áshimbaev «Erlik eshqashan úmytylmaydy» partiyalyq jobasy ayasynda 95 jasqa tolghan Úly Otan soghysynyng ardageri Nina Vinogradovany ýiine baryp, mereytoyymen qúttyqtady.

Abai.kz