Úshaq esiginen birinshi bolyp shyqqan Investordyng qyraghy kózi ónerpaz qyzdardyng bas kiyimindegi ýki qauyrsyndaryna týsti. Altynshy týisigining aldamaghanyna ishtey dәn riza boldy. Áuejaydan syrnaylatyp - kerneyletip qarsy alghan qazynaly elding atqaminerleri “Dәstýrimiz edi” - dep júbayyna qúndyz bórik, ózining iyghyna qasqyr ishik japqanda Investordyng aldaghy jasalatyn kelisimsharttyng býtindey óz paydasyna sheshiletinine esh kýmәni qalmady.

Quanyshyn jasyra almay soyghan týlkidey yrjalaqtay berdi... shendilerde mәz mәiram. Keng mol tigilgen ton jerge sýiretilip, tapal boyly investor qúbyjyqqa úqsap qalghan edi. Investordyng sapary resmy kezdesuden góri qúdalyqqa úqsap bara jatty. Saltanatty qarsy alu mýrәsimi aspatók qonaghasygha úlasty. Danghazalyqty jany sýimesede investordyng óz mýdesi ýshin kónuine tura keldi. Júbayy ekeui ýsteldegi tabaq - tabaq etpen kóze toly qymyz ben shúbatqa jiyrene qarap, balghyn kókónisterden jasalghan kәris salatymen meyiz qosyp pisirilgen etsiz palaudan auyz tiyip otyrdy. Auyl sharuashylyq ministiri qonaqtargha arnap soyylghan aq sarbas qoydyng basyn әkelip bata súraghanda kýtpegen jaghday oryn aldy. Kýieuining qabaghynan orayly sәtting kelgenin sezgen hanymy qúiqasy bylbyrap pisken qoydyng basyna qarap et jaqynyn joghaltqanday enirep qoya berdi. Sasyp qalghan atqa minerler ne bolghanyn týsindirsenshi degendey әlekedey jalanghan dayashy evreyge jautang - jautang etip qaray berdi.

- Ayasandarshy!... olar da senderdey jan iyesi ghoy, - dedi qystyqqan Investordyng әieli tilge kelip. Ezui tilinip, kózi óleusiregen basqa jan bitip: “Qyrshynymnan qidyndar… obalym senderge” - dep laghnet aityp túrghanday edi.

Kózining astymen bәrin baqylap otyrghan Investor shynyna kóshti.

“Biz órkeniyetti qoghamda jasap otyrmyz. órkeniyetti qoghamda hayuanattardyng qúqyghy qatang qorghaluy kerek”, - dep bastady sózin. “Ózim de, hanymym da - tabighat janashyrymyz. Halyqaralyq hayuanattardy qorghau qorymyz bar. Úshaqtan týskeli beri sizderding elde hayuanattardyng qúqynyng saqtalmaytynyna, taptalghanyna kuә boldyq. Búl bizdi óte alandatady...” - dep sózining artyn aitpay, shendilerding anysyn andady. Ádette eki sózining birine boqtyq aralastyryp sóileytin sheneunikter ýnsiz. Kinәli adamday moyyndaryn ishine alyp mýlәiimsy qalypty. Bir de biri suyrylyp shyghyp: “Hayuanattardyng qúqyna týkirgenim bar” - dep aita almady.

Investor olardyng últtyq joralghylardy elin aldarqatu ýshin ghana jasaytynyn týsindi. Jalynyshty kózderinen qonaqjәy dala halqyna jat toyymsyz dýniyeqorlyqpen eki betkey ayarlyqty bayqady. Atqaminerler men Investordyng qanday kelisimge kelgeni sol kýii júmbaq bolyp qaldy. Bir anyghy sol kezdesuge múryndyq bolghan dayashy Evreymen onyng eki sybaylasy, sonday-aq olargha qazynaly elding jer asty baylyghynyng qúpiya kartasyn bergender әlemdegi eng bay adamdardyng tizimine engen kórinedi.

Qazynaly elding anqau júrty alaqandaryn ysqylap әli jýr... is jýzinde, jer astynda da, jer ýstinde de olargha tiyesili eshtene qalmaghan edi.  

Esbol Esen

Abai.kz