Jwma, 10 Şilde 2020
COVID-19 QAZAQSTANDA. Jwqtırğandar — 54747. Jazılğandar — 31277. Qaytıs bolğandar — 264
Qwyılsın köşiñ 6790 50 pikir 19 Mamır, 2018 sağat 13:04

Elbası may swrasa, Czin'pin qwyrıq wsınuı mümkin

16 mamır küni Qıtaydıñ Şıñjañ Wyğır Avtonomiyalı Rayonınıñ (ŞWAR) Partiya komiteti byurosınıñ şwğıl jiını ötip, körşi eldermen diplomatiyalıq baylanıstı küşeytu turalı söz qozğağan. Bwğan Qıtay kommunistik partiyası ortalıq komitetiniñ bas xatşısı Si Czinpinniñ özi tikeley jetekşilik etetin ortalıqtıñ sırtqı baylanıs komiteti dep atalatın qwrlımnıñ 15 mamırda ötken keñeytilgen mäjilisi sebep bolğanı baspasözde tam-twmdap aytıla bastadı. Sol jiında Qıtaydağı qazaqqa azu tisin batırıp, sayasi quğın-sürgin jasap otırğan ŞWAR-dağı aymaq basşısı Şın Çuango Ortalıqtıñ qatañ sınına qalsa kerek. 

Şıñjañ ölkesiniñ öktemsingen basşısı Şın Çuango 16 mamırdan bastap, "körşi eldermen dostıq qarım-qatınasta boluımız kerek" degen ıñğayda söyley bastağan. Osını jaqsığa jorığan Düniejüzi qazaqtarı qauımdastığınıñ bas hatşısı Rahım Ayıpwlı mırza äleumettik jelide  Elbası osı jolğı Qıtay saparında ol jaqtağı qazaqtarğa qatıstı öz talabın aytsa, Qıtay törağası qarsı bolmaytının jariyaladı.

Biz mäseleni anıqtay tüsu üşin Rahım Ayıpwlı mırzamen tildestik.

 - Şıñjañdı qazir bilep otırğan Şın Çuangonıñ sayasatı sın kötermeytin jağdayda ekeni osığan deyin söz bolıp keldi. Qazaqı tilmen aytqanda, onıñ "öte naşar sayasatker" ekeni belgili. Sol naşar sayasatkerdiñ 180 gradusqa özgerip, körşi eldermen dostıq qarım-qatınas ornatu jaylı söyley bastauı, oğan Ortalıqtan jaqsılap sabaq berilgenin, qatañ sınğa wşırağanın bayqatadı, - deydi  Rahım Ayıpwlı.

- Bwl jay ğana söz şığar. Sonşalıq ümittenuge twrmaytın dünie bolar? 

 - Ramazan ayında tek jaqsılıqtan ümit kütu kerek siyaqtı. Qazirgi Qıtaydıñ sırtqı sayasatı twyıqqa kelip tireldi. AQŞ pen Qıtay teketiresi uşığıp baradı. Malayziyamen, V'etnammen de qırği-qabaq. V'etnamdağı Ken ornına qatıstı Reseymen de jüz şayısıp qaldı. Endi Qazaqstandı teris aynaldırsa, qwrlıq arqılı Europağa jasağan qadamı üzileri haq. Mwnıñ sırtında Halıqaralıq adam qwqıqtarı jönindegi wyımdar da qarap jatqan joq. Şamaları kelgenşe, Qıtay sayasatına ıqpal etude. Sondıqtan da, jaqsılıqtan ümit kütkenniñ ayıbı joq. 

- Sonda ol jiında ne aytılıptı? Qıtay baspasözi ne deydi?

- Resmi bir-eki auız habardan basqa eşteñe jazılğan joq. Jalpı, Qıtaydağı köp mäsele qwpiya şeşiledi. Mäjilis mülde jabıq jağdayda ötkendikten, onda nendey mañızdı mäselerdiñ qaralğandığı qwpiya küyde qalıp otır. Dese de, mäjilisten keyin keybir jayttardıñ beti aşılıp qaldı.

Aymaq basşı Şın Çuango öz sözinde: " Törağa Si Czinpinniñ sırtqı qatınastağı bitwtas basşılığına qatañ bağınu, onıñ sayasatın, ämir-pärmenderin bwljıtpay atqaru, jibek jolı ekonomikalıq beldeui jobasınıñ küre tamırında ornalasqan eldermen (Qazaqstandı aytadı. - R.A.) belsendi türde selbestik ornatu, sırtqa esik aşudı jedeldetu, bir beldeu, bir jol qwrlısına tıñ serpin beru, bwl üşin körşi eldermen (Qazaqstanmen demekşi. - R.A.) qarım-qatınastı oñtaylı retteu, belsendi barıs- kelister arqılı körşilermen dostıq qarım-qatınastı ilgerletu jäne bekemdeu, sol arqılı ŞWAR aymağınıñ sırtqı baylanıs qızmetin jaña beleske köteru kerektigin" – ayttı.

- "Temirdi qızğan kezinde soq" demey me? Osınday oñtaylı kezde bizdiñ taraptan ne istelui kerek?

- Qıtay üşin Europa men Parsı şığanağına şığudıñ eñ senimdi de tiimdi dälizi tek qana Qazaq jeri. Osını tereñ tüsinip, Elbası osı jolğı Qıtay saparında ol jaqtağı qazaqtarğa qatıstı öz talabın qoysa eken degen armanım bar. Qazir Elbası Qıtay törağasınan may swrasa, mine qwyrıq deyin dep twrğanğa wqsaydı. Sol sebepti de barlıq ümitti Elbasığa artqım keledi. 

Elbasınıñ saparınıñ aldında Qıtay tarapı körşilermen dostıq qatınastı bekemdeu turalı söz etkeni tekten tek emes. Sondıqtan, bwl jiın men aldağı Elbasımızdıñ saparı Qıtaydağı qazaqtarğa oñ özgerister äkeledi degenge seneyik. Öytkeni, bizdegi köptegen sarapşılar da QR prezidenti aralassa, Qıtaydağı qandastardıñ köşi jalğasın tabadı degen oyların aytıp jatır. 

Äñgimeñizge rahmet!

Qanat Birlikwlı

Abai.kz

50 pikir