Parlament Senatynyng deputattary bir kýndik jalaqylaryn su tasqynynan zardap shegip jatqan Shyghys Qazaqstan oblysyna audaratyn boldy. Búl turaly Qasym-Jomart Toqaevtyng tóraghalyghymen 29 nauryzda ótken jogharghy Palata otyrysynda aityldy.

Senator Dýisenghazy Musin Shyghys Qazaqstan oblysynda túrghyndar su tasqynan zardap shegip jatqanyna әriptesterining nazaryn audara kelip, aimaq halqy bir kisidey júmylyp tilsiz jaugha qarsy belsene kýresip jatqanyn atap ótti. Atap aitqanda, ónirde tong qabaty (2 metrge deyin) tereng qatuyna jәne ózenderde su dengeyining shamadan tys kóteriluine baylanysty 5 qala (Ayagóz, Óskemen, Ridder, Shemonaiha, Semey) jәne 12 audan (Ayagóz, Glubokovskiy, Úlan, Kýrshim, Ýrjar, Zaysan, Zyryan, Tarbaghatay, Shemonaiha, Katon-Qaraghay, Kókpekti, Besqaraghay) su tasqynyna úshyrady. Osyghan baylanysty birqatar audandarda tótenshe jaghday jariyalandy.

Jergilikti atqarushy organ tabighy apatqa baylanysty tiyisti sharalar qabyldauda. Alayda, tehnika jәne adam kýshi barynsha júmsalghanyna qaramastan oryn alyp otyrghan jaghday qosymsha qarjylay qoldaudy qajet etedi.

Qiyn uaqytta qolymyz jetpese de kónilimiz ben jýregimiz osy ónir halqymen birge degen niyetpen Senat deputattary  su tútqynynda qalghan jәne tabighy apat saldarynan ýlken qiyndyqtargha kez bolghan Shyghys Qazaqstan oblysyndaghy otandastardy qarjylay qoldap, bir kýndik enbekaqylaryn audaratyn boldy.

Abai.kz