سارسەنبى, 25 قاراشا 2020
COVID-19 قازاقستاندا. جۇقتىرعاندار — 127580. جازىلعاندار — 114347. قايتىس بولعاندار — 1945
2160 36 پىكىر 30 ناۋرىز, 2018 ساعات 10:08

سەنات دەپۋتاتتارى ءبىر كۇندىك جالاقىلارىن شىعىس قازاقستانعا اۋدارادى

پارلامەنت سەناتىنىڭ دەپۋتاتتارى ءبىر كۇندىك جالاقىلارىن سۋ تاسقىنىنان زارداپ شەگىپ جاتقان شىعىس قازاقستان وبلىسىنا اۋداراتىن بولدى. بۇل تۋرالى قاسىم-جومارت توقاەۆتىڭ توراعالىعىمەن 29 ناۋرىزدا وتكەن جوعارعى پالاتا وتىرىسىندا ايتىلدى.

سەناتور دۇيسەنعازى مۋسين شىعىس قازاقستان وبلىسىندا تۇرعىندار سۋ تاسقىنان زارداپ شەگىپ جاتقانىنا ارىپتەستەرىنىڭ نازارىن اۋدارا كەلىپ، ايماق حالقى ءبىر كىسىدەي جۇمىلىپ ءتىلسىز جاۋعا قارسى بەلسەنە كۇرەسىپ جاتقانىن اتاپ ءوتتى. اتاپ ايتقاندا، وڭىردە توڭ قاباتى (2 مەترگە دەيىن) تەرەڭ قاتۋىنا جانە وزەندەردە سۋ دەڭگەيىنىڭ شامادان تىس كوتەرىلۋىنە بايلانىستى 5 قالا (اياگوز، وسكەمەن، ريددەر، شەمونايحا، سەمەي) جانە 12 اۋدان (اياگوز، گلۋبوكوۆسكي، ۇلان، كۇرشىم، ءۇرجار، زايسان، زىريان، تارباعاتاي، شەمونايحا، كاتون-قاراعاي، كوكپەكتى، بەسقاراعاي) سۋ تاسقىنىنا ۇشىرادى. وسىعان بايلانىستى بىرقاتار اۋدانداردا توتەنشە جاعداي جاريالاندى.

جەرگىلىكتى اتقارۋشى ورگان تابيعي اپاتقا بايلانىستى ءتيىستى شارالار قابىلداۋدا. الايدا، تەحنيكا جانە ادام كۇشى بارىنشا جۇمسالعانىنا قاراماستان ورىن الىپ وتىرعان جاعداي قوسىمشا قارجىلاي قولداۋدى قاجەت ەتەدى.

قيىن ۋاقىتتا قولىمىز جەتپەسە دە كوڭىلىمىز بەن جۇرەگىمىز وسى ءوڭىر حالقىمەن بىرگە دەگەن نيەتپەن سەنات دەپۋتاتتارى  سۋ تۇتقىنىندا قالعان جانە تابيعي اپات سالدارىنان ۇلكەن قيىندىقتارعا كەز بولعان شىعىس قازاقستان وبلىسىنداعى وتانداستاردى قارجىلاي قولداپ، ءبىر كۇندىك ەڭبەكاقىلارىن اۋداراتىن بولدى.

Abai.kz

36 پىكىر