«Men qazir Dushanbedemin, jeke qújattarymdy rәsimdep jatyrmyn. Erteng Isfaragha baramyn, bir aptadan song Stambúlgha qaytamyn», - dedi ol.

Human Rights Vision Foundation halyqaralyq qúqyq qorghau úiymy 19 aqpanda Numondjon Sharifovtyng Stambúlda ústalyp, Tәjikstangha jetkizilgenin mәlimdegen.

Biraq Sharifovtyng ózi búl aqparat shyndyqqa janaspaydy deydi.

«Áuejayda tólqújat tekseru kezinde (Stambúl әuejayynda) shekarashylar tólqújatymdy alyp, meni ózderimen birge alyp ketti. Biraq keyin ózderi meni Stambúl - Dushanbe reysine otyrghyzdy. Men eldemin, bostandyqtamyn», - deydi Islam partiyasynyng mýshesi.

Numondjon Sharifov elinde ózine qarsy qylmystyq is qozghalghanyn teriske shygharady. Osynyng aldynda halyqaralyq úiymdar Tәjikstanda oghan qarsy konstitusiyalyq qúrylymdy kýshtep ózgertpek boldy degen aiyptar taghylghanyn mәlimdegen.

Sharifov 2015 jyldyng qyrkýiek aiynda qorghanys ministrining búrynghy orynbasary Abduhalim Nazarzodanyng әskery býlik jasamaq bolghan әreketinen keyin elden qashyp ketken.

Abai.kz