Tәjikstan Bas prokuraturasynyng jauapty qyzmetkeri Firdavs Rahimzod 8 qantarda Amonullo Hukumovtyng Chehiyadan jyljymaytyn mýlik alghanyn Jemqorlyq jәne úiymdasqan qylmysty zertteu jónindegi ortalyq (OCCRP — the Organized Crime and Corruption Reporting Project) zertteuinen bilgenin aitty. «Bizge búghan qatysty eshkim resmy ótinish jasaghan joq. Biz jurnalistik zertteumen tanystyq, biraq derekterding qanshalyqty naqty ekenin bilmeymiz», - dedi ol.

Onyng aiytuynsha, búghan qatysty tergeu jýrgizu josparda joq. "Basshylyq osynday tergeu turaly habarlaytyn bolsa, onda biz aqparat qúraldaryn habardar etemiz", - dedi Firdavs Rahimzod.

Tәjikstannyng jemqorlyqpen kýres jәne qarjy baqylauy jónindegi agenttigi de OCCRP zertteuimen tanysqan, biraq tergeu jýrgizbegen.

"Tәjik temir joly" memlekettik mekemesin múnday aqparat qyzyqtyrmaydy. Kompaniyanyng jauapty qyzmetkerining biri búrynghy basshynyng baylyqty qalay jinaghany "kәsiporyndy qyzyqtyrmaydy".

OCCRP bayandamasyna qaraghanda, Amonullo Hukumovtyng әieli men balasy Chehiyanyng kurortty mekenderinde alty jyljymaytyn mýlikke iyelik etedi. 2012 jyldyng jeltoqsanynan bastap Hukumovtar 10,6 mln dollardy eki ýy jәne tórt ghimaratqa júmsaghan. Hukumovtardyng Mәskeude 1,1 mln dollar túratyn pәteri bar.

66 jastaghy Amonullo Hukumov Tәjikstan temir jolynyng basshysy qyzmetinen 2014 jyly aqpanda ketti.

Abai.kz