Jyl basynan beri on aidyng ishinde Astana qalasynda 564 órt oqighasy tirkeldi. Búl ótken jylmen sәikes kezenindegi kórsetkishten 3,4%-gha kem dep habarlaydy, Abay aqparat agenttigi.

Býgin «Jylytu mausymynyng órt qauipsizdigi erejelerin saqtau» taqyrybyna arnalghan baspasóz mәslihaty barysynda  órt oqighalary negizinen jeke túrghyn ýy sektorlarynan shyghatynyn aitty. Mysaly, osy jyldyng 10 aiynda 307 órt oqighasy Astanadaghy túrghyn ýy sektorynan shyqqan bolatyn. Órtting shyghuyna negizinen elektr symdarynyng túiyqtalyp, qyzuy, jylytu, azamattardyng peshti dúrys paydalanbauy, qoldanystaghy normativtik-qúqyqtyq aktilermen bekitilgen erejelerge say emes elektr qondyrghylardyng shamadan tys qyzuy sebep bolyp otyr.

«2016 jyly órt saldarynan 2016 jyly 16, biyl 9 adam (ýsheui – balalar) qaza tapqan. On aida 68 adam zardap shekken.  Órt oqighalary kóbine jeke túrghyn ýy sektorynda bolady. Túrghyn ýilerdegi órtting negizgi bóligi jer túrghyn ýy sektoryna tiyesili. Dәlirek aitqanda, órt oqighalarynyng jalpy sanynyng 54,4%-yn qúraydy», - dedi Órt qauipsizdigi salasyndaghy baqylau jәne profilaktikalyq qyzmet basqarmasynyng bas mamany Múrat Madybekov.

Onyng derekterine qaraghanda Qazaqstannyng bas qalasynda ótken jylmen salystyrghanda gazdan ulanu oqighalarynyng da sany 27, 6% -gha azayghan.

Órt oqighalarynyng sanyn azaytu, olardy boldyrmau maqsatynda Astana qalasy TJ departamentining qyzmetkerleri jeke túrghyn ýy sektoryndaghy aulalardy aralap, reyd, ýgit-nasihat júmystaryn jýrgizip jatyr.

Tótenshe jaghdaylardyng aldyn alu bólimining bastyghy Erkin Otarghalymnyng aituynsha, tótenshe jaghdaylar departamenti qyzmetkerleri jyl basynan jeke túrghyn ýy sektoryndaghy 39 925 aulany aralaghan.

«Túrghyndarmen 290 kezdesu ótkizdik. Atalmysh jinalystargha barlyghy 6204  adam qatysqan bolatyn. 3431 adam qatysqan 327 núsqaulyq sharasy, 9286 adamnyng qatysqan 359 shara ótti. Túrghyndargha órt qauipsizdigi erejeleri jazylghan jadynamalar taratyldy.

Departament jýrgizip jatqan júmystar esepke alyna otyryp, tabighy jәne tehnogendik tótenshe jaghdaylardyng sanyn azaytugha baghyttalghan barlyq qajetti sharalar aldaghy uaqytta da qabyldanatyn bolady», - dep týiindedi sózin Erkin Otarghalym.

Abai.kz