Osy bir mәsele kópten beri kókeyimizden ketpey qoyghan edi. Ol -- ontýstiktegi qalyng ornalasqan aghayynnyng bir bóligin osyndaghy bosap qalghan auyldar men júmys oryndarynyng ornyn toltyryp, teristektegi jerimizding irgesin bekitu. Múndaghy bóten últtyng ókilderi Qazaqstandy Otanym dep sanamaytyndyqtan kórshi elge qaray kósh basyn týzegeli qashan. Olar bir kezderi, tipti, ýdere kóship, talay auyldar qanyrap qaldy. Ol ýrdis qazir de jýrude. Endi múnda olardyng tek tayaqqa sýiengen kәri-qúrtandary men biznesin oidaghyday jýrgizip otyrghandary ghana qaldy. Olardyng da týpki oiy týsinikti. Sәl qysym kórdim dep eseptese bolghany myna tayaq tastam jerde túrghan shekaradan asyp jýre beredi. Jәne de bos ketpeydi. Ártýrli qulyq-súmdyqpen jinaghan mol dýniyesin ózimen birge ala ketedi. Shekara degenning eng alysy 200 shaqyrymnan aspaydy. Al qaltasynda qos azamattyqtyng qújaty jýrgenderdi sanap jatqan da eshkim joq. Ondaylardyng keyde tek kezdeysoq jaghdayda bet-beynesi ashylghanda ghana sanymyzdy soghyp qalamyz. Bir ghana fakti. Ótkende osy Qostanaydaghy qalamyzdy sumen jabdyqtaytyn asa iri mekeme, qarjy ainalymy milliardarttardy qúraytyn «Tazalyq-2012» jauapkershiligi shekteuli seriktestigi osynday qos azamattyghyn jasyrghan bir qudyng qolyna ketip qala jazdady. Onyng ózi de ekinshi satyp alushynyng tenderding tәrtibi búzylghandyghy jayly qayta-qayta aryz jazyp, aqyry Jogharghy sotqa jetkende ghana anyqtalghan. Al olar da bayqamasa she? Sonda deymiz-au, jergilikti kóshi-qon polisiyasy men KNB sekildi úiym qayda qaraghan degen saual tuady. «Baqsaq, baqa eken» degendey, mәselening týp qazyghy Qazaqstan men Resey arasynda azamattyqty anyqtau jónindegi shartqa kórshimizding qol qoymaghandyghynda eken. Endi olar bizge Qazaqstannnyng qansha azamatynyng tós qaltasynda Reseyding tólqújaty bar ekendigin qúpiya ústap, aitpaydy.Olardyng jymysqy oiy týsinikti. «Biz aqyryndap eshkimge bildirmey azamattyghymyzdy bere bereyik. Kórshi elderdegi qaltalylarymyz ondaghy strategiyalyq mәni bar obiektilerdi satyp alyp, bizge qaray baghyttay bersin» degen alysty  qamtyghan qauipti iydeologiya. Onyng jemisin kórip te otyr. Resey azamattyghynyng kezinde Soltýstik Osetiya men Qyrym júrtyna jappay taratylghandyghyn, keyin osyny syltau etip soltýstiktegi kórshimiz olardy ózderine qosyp alghandyghyn kópshilik úmytpaghan bolar.

Mine osynday qauipting aldyn aludyng birden bir joly – ontýstiktegi bauyrlarymyzdy osynda jappay qonystandyru. Búl baghytta kósh qozghalghan synayly. Aldaghy 5 jyldyng ishinde Qostanay oblysyna 10 myng otbasy birjolata kóship kelmek. Al biyldyng ózinde 30-gha tarta otbasy ónirimizge at basyn tireytin kórinedi.

--Qazaqstanda 2017-2021 jyldargha arnalghan kóshi-qon sayasatynyng tújyrymdamasy qabyldandy, - deydi Qostanay oblystyq ishki ister basqarmasy kóshi-qon qyzmeti basqarmasynyng bastyghy  Qayrat Dýtbaev. — Múnda ishki kóshi-qon ýrdisine erekshe nazar audarylghan. Jasyratyn nesi bar, búryn biz syrtqy kóshi-qon mәselesine kóbirek kónil bóletinbiz.

Atalghan tújyrymdamagha sәikes Qostanay oblysy endi elimizding ontýstik oblystaryndaghy basy artyq júmys kýshteri oranalastyrylatyn aimaq bolyp bekitildi. Býginderi oblysymyzdyng barlyq qalalary men audandaryna ishki migranttardy qabyldau jónindegi kvota belgilengen. Búl júmystyng onay bolmaytyndyghy osy bastan-aq týsinikti. Mәselen, Mendiqara audanynyng әkimi  Erlan Temenovtyng aituyna qaraghanda, juyrdaghy bes jyl ishinde 597 oralman otbasyn qabyldap, oranalastyryp, júmyspen qamtamasyz etuge mindetti. Qazirding ózinde audanda arnayy júmys toby jasaqtalghan. Olar osyndaghy úiymdarda, mekemeler men kәsiporyndarda qansha júmys orny bolatyndyghyn anyqtap, tizbesin jasaydy.

• Osy jyldyng 1 qyrkýieginde 111 bos júmys orny boldy,--deydi Erlan Temenov myrza. – Alda audannyng ekonomikalyq damu josparyn jasaghanda onda oralmandargha da oryn bólinui kerektigin erekshe eskerip otyru qajet ekendigi naqty belgilenedi.

Qashanda auyly aralas, qoyy qoralas qazekemning búl jerge de týbi suday sinip, tastay batyp keteri sózsiz. Óitkeni bәrimiz de bir elding azamattarymyz. Bólispeytin eshtene joq. Kýni erteng qúda-qúdandaly boldyp, toy toylap dýrkirep jatatyn bolamyz әli. Qúday soghan jetkizsin delik. Kóshimizding joly ongharylsyn.

Jaybergen Bolatov

Qostanay

Abai.kz