Surette Bashqúrtstannan kelgen ónerpazdar óner kórsetip jatqan sәt

Qyrghyzstannyng Sholpan Ata qalasyndaghy Shynghys Aytmatov atyndaghy «Ruh Orda» mәdeny ortalyghynda 2 shilde kýni ótui josparlanghan Dýniyejýzilik Týrki halyqtarynyng qúryltayy «Ruh Ordagha» bomba qoyylghany turaly jalghan habar týsui sebepti ótpey qaldy.

Mәdeny ortalyqqa bomba qoyylghany turaly jergilikti milisiyagha tanerteng habar týsken. Milisiya ortalyqtaghy adamdardy týgeldey syrtqa shygharyp, ortalyqty qorshap, bomba izdeuge kirisken. Biraq, bomba tabylmay, habar jalghan bolyp shyqty. Jalghan habar berip, telefon shalghan adamdy milisiya izdestirip jatyr. Sonday-aq, tergeu isimen Qyrghyzstan últtyq qauipsizdik qyzmetining memlekettik komiyteti ainalysuda.

«Ruh Ordagha» bomba qoyylghany turaly jalghan aqparat dýniyejýzilik Týrki halyqtarynyng qúryltayynyng josparyn ózgertti. Qúryltaydy ótkizudi Qazaqstan tarapy óz qolyna alyp, shildening jaqyn kýnderi Almatyda ótkizbek.

24.kg aqparattyq saytynyng «qúryltay qatysushylary tarap ketti» dep jazghan aqparaty jalghan. Óitkeni, qúryltaygha delegattary Sholpan Ata qalasyndaghy «Baqyt» qonaq ýy jayyna jinalyp, kýn boyy beyresmy jaghdayda ózara ruhaniy-mәdeny mәselelerdi talqylap, bir-birine tartu taralghy jasap, delegattar ishindegi ónerpazdar ónerlerin kórsetip, әr últ ózining últtyq kiyimderin kiyip, әn aityp, biyledi. Osylaysha, qúryltay beyresmy jaghdayda bastaldy. Al, 21 elden kelgen delegattar óz aralarynan Almatyda ótetin qúryltaygha qatysatyn arnayy ókil saylady. Ár elding atynan tandalghan jiyrma shaqty ókil býgin keshke Almatygha jolgha shyghady. Al, qalghan delegattar josparlanghan uaqyttary boyynsha elderine qaytady.

Núra Matay