Jwma, 3 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Bizdiñ şeneunik 4237 4 pikir 14 Mausım, 2017 sağat 15:14

Pavlodar oblısı bas ideologınıñ isin qalay tüsinemiz?

 

Almatıdağı Jazuşılar odağı  üyinde   belgili aqın,  Qazaqstan Jazuşılar odağı  Basqarmasınıñ törağası Nwrlan Orazalinniñ  70 jıldıq mereytoyınıñ saltanattı keşine   Pavlodar oblısı äkimdiginiñ  jauaptı qızmetkerleriniñ biri ya  jergilikti aqın-jazuşılardıñ ökilderi  emes,   bwlarğa  eş qatısı joq Mwhit Omarov (surette) degen bireu bardı!..

Oblıs äkiminiñ ideologiya salasına jauaptı orınbasarı Meyram Begentaevqa (surette) qoñırau şalıp mänisin swrağanımda  M. Omarovtı  Qazaqstan Jurnalister odağı oblıstıq filialınıñ törağası siyaqtandırıp  madaqtay jöneldi!  Oblıstıñ bas ideologınıñ jurnalister filialınıñ basşısı ol  emes, basqa kisi ekenin bilmeytini, jurnalistika men körkem ädebietti ayıra almaytını  zığırdanımdı qaynattı! Al Mädeniet, arhivter jäne qwjattama basqarması basşısınıñ  mindetin atqarıp jürgen Gülzira Başirova bolsa:  «Mwhit Omarov «Egemen Qazaqstan» gazetiniñ bas redaktorı bolıp istegen joq pa?..»  – dep özime swraq qoydı...

Au, aynalayındar, «Egemen» qayda, Mwhañ qayda?!.. Mwhañ qayda, körkem ädebiet qayda?!..

Keñestik kezeñde komsomol men kompartiya wyımdarında   qızmet  istegen Mwhit Omarovtıñ 1989 jılı oblıs mädeniet basqarmasınıñ bastığı qızmetine kelgenin bilemiz.  Sonıñ basşılığı kezinde  äygili jerlesimiz, änşi-kompozitor Mayra Uäliqızı twrğan tarihi  üydi kürdeli jöndeuden ötkizu üşin bölingen  qomaqtı  qarjınıñ iz-tüssiz joğalıp ketkeni esimizde.  Oblıstıq  «Sarıarqa samalı» gazetiniñ  bas redaktorı bolıp istegen  jıldarı «Nar twlğa» qoğamdıq wyımına birikken soğıs jäne eñbek ardagerleriniñ  ar-wjdanına tietin materialdardı jariyalağanı jadımızda. Bwl isterdiñ jay-japsarı  BAQ-ta birneşe märte aytıldı, tipti QR Prezidentiniñ apparatına şağım tüsirildi!  Oblıstağı bas qazaq basılımın basqarıp otırğan adamnıñ qazaqşa jazğanı qarın aştıratını  jäne  şığarmaşılıq wjımdı äkimşildik-ämirşildik ädispen basqaratını turalı da aytıldı,  jazıldı.

Aqırı, M. Omarov zeynetke şıqqan soñ  dau-damay basılğan siyaqtandı. Solay desek te,  işki sayasat basqarmasınıñ sol kezdegi bastığı Bauırjan Kapenovtıñ qoldauımen 2012 jılı  jañadan aşılğan «Nayzatas» jurnalınıñ bas redaktorı qızmetine bekitilip kete jazdadı!  Äyteuir,  jergilikti  aqın-jazuşılar  oblıs    äkimine ädebietke eş qatısı joq adamnıñ ädebi-körkem basılımnıñ basşısı boluına qarsı ekendigin aytıp, narazılığın bildirgen soñ   kandidaturası ötpey qaldı.

Mwhit Omarov qazirgi kezde J. Aymauıtov atındağı teatrda qızmet etetin körinedi.  Şamalauımşa, ärtis emes. Sonsın,  bas redaktorlıq qızmetpen äldeqaşan qoş aytısqanına qaramastan, «Bas redaktorlar klubı» atalatın qoğamdıq wyımdı basqaradı...

Degenmen, Mwhaña renjitin jönimiz joq siyaqtı. Keñestik qoğamda at üstinde jürip, keyin zeynetke şıqqanınşa taq üstinde otırğan ağamız sol şaqtarın kökseytin  bolar.  Endi  Jazuşılar odağında söz söylep,  özin jazuşı keypinde körsetuden de ket äri emes şığar...  Biraq törinde wlı Mwhtar Äuezovtıñ  izderi qalğan  qazaq ädebietiniñ qasietti qara şañırağına oblıs äkiminiñ atınan  äldekimdi  jibergen Meyram Begentaevtıñ isin qalay tüsinemiz?

Öz basım är jıldardağı  oblıs  basşılarınıñ  ideologiya salasına jauaptı orınbasarları: Rıstı Jwmabekova, Äliya Ğalımova,  Arın Örsariev,  Ğani Sädibekovpen auızba-auız söylesip, özara til tabısıp türli mäselelerdiñ şeşimin tauıp jürdik.  Ras, keybir mäsele boyınşa tipti qızu pikirtalasqa barğan  kezderimiz de boldı. Biraq  däl osınday   öte ıñğaysız  jayttı bastan ötkergen emespin.

PS: Oblıs äkimi Bolat Baqauov mırza öz orınbasarınıñ isine tüsinikteme beretin şığar degen ümittemiz.

 

Arman QANI,

Qazaqstan Jazuşılar odağı

Pavlodar oblıstıq filialınıñ direktorı,

Halıqaralıq «Alaş» ädebi sıylığınıñ iegeri.

Abai.kz

 

4 pikir