Jaqynda "Abai.kz" aqparattyq portalyna jambyldyq Bóribay Túrsyn esimdi jigit habarlasyp, jaghdayyn aitqan edi. "Abai.kz" arqyly qúzyryly organdargha arzu-armanyn jetkizgen Bóribaydyng kónilin kýpti etken mәsele sheshimin tauyp qalatyn siyaqty.

Bóribaydyng bizge aitqan jayy sonda mynau bolatyn: Bóribaydyng otau qúrmaqqa serttesken qyzyn qúzyrly organdar әkimshilik qúqyqty búzushylyq kodeksining 517 - baby boyynsha tәrtip búzdy dep, elden deporttasiyalap jiberipti. Oqigha 2016 jyly bolghan. Sóitip, bes jyl Qazaqstangha kiruine shekteu alghan Jazira esimdi qyz qazir Qytayda túryp jatqan kórinedi. Uaghdalasqan neke Qazaqstan Ýkimeti kesken bes jyldyq ýkimdi kýtip, ol túr.

Osyny aityp, arasha súraghan Bóribay Túrsyn QR Ishki ister ministri Qalmúhambet Qasymovqa biz arqyly ýndeu jolap, ózining toyyna shaqyrghan bolatyn.

"Abai.kz" aqparattyq portaly kótergen búl mәseleni ózge de búqaralyq aqparat qúraldary ilip әketip, birinen keyin biri júrtqa jariya etip jatty.

Býgin Bóribay Túrsyn redaksiyamyzgha habarlasyp, mәselesining týiini sheshiluge jaqyn ekenin aityp bәrimizdi bir quantyp tastady.

"Sizderge kóp raqmet! Sayttarynyzda maqala jariya bolghannan keyin Astanadaghy "Núr Otan" partiyasynan, Respublikalyq Kóshi-qon polisiyasynan, sosyn Jambyl oblystyq Kóshi-qon polisiyasynan habarlasyp, mening mәselemdi sheship beretindikterin aitty. Býgin oblystyq prokuraturagha keldim. Ótinish jazamyn", - deydi Bóribay Túrsyn.

Qúzyrly organdardyng qúlaghyna jetken Bóribaydyng bazynasy qoghamdyq ortada qyzu talqygha týsti. Aragha apta salyp, mәsele nazargha ilikken eken. Áytkenmen, bizding súrap biluimizshe, telefon arqyly habarlasqan organ ókilderi Bóribaygha auyzsha uәde berip qana otyrghan kórinedi. 

Qos asyqtyn, shanyraq kóterip, otau qúrsaq degen eki jastyng jayy bizding nazarda. Bas qúraugha sert etken eki jasty eki aiyryp jibergen QR Zanynyng qúzyrly organdar tarapynan sheshimin tabuyna qatysty kez kelgen aqpardy "Abai.kz" aqparattyq portalynan oqy alasyzdar. Mәselening týiini onynan sheshiletin bolsa, Bóribay myrza ministr Ishki ister ministri Qalmúhambet Qasymovty ýilenu toyyna qaldyrmay shaqyratyn shyghar dep oilaymyz.

Abai.kz