Seysenbi, 7 Säuir 2020
COVID-19 QAZAQSTANDA. Jwqtırğandar — 662. Jazılğandar — 46. Qaytıs bolğandar — 6
Jañalıqtar 3723 1 pikir 26 Säuir, 2017 sağat 14:34

Maqpaldıñ "mämesinde" "Wlı köştiñ" nesi bar?

Reyting, reyting jäne reyting! Bwl - Qazaqstandağı "aqparattıq" sayttardıñ kün-tün demey qualay bastağan qu düniesi boldı. Sanğa säykes sapa bolsa käni?!

Jaqında "Wlı köş" deytin wlttıq portal jarıq körip edi. Quanıp qalğanbız.  Amal kem, "Wlı köşimiz" wltqa tanılu üşin reyting deytin päleniñ soñına tüsip, beyädep materialdar jariyalauğa birden kirisip ketti. Mına taqırıpqa qarañız: "Maqpal Isabekova emşegin körsetti".

Atalğan sayt alaqanday aqparatqa osınday taqırıp qoyadı da, qazaq estradasına futuristik sarınmen kelgen Maqpal Isabekova deytin änşiniñ älemjelidegi beyne jazbasın jwrtqa jariya etedi.

...Qazaq köşi - ıqılımnan qazaq wltınıñ tağdırı. Tilim-tilim tağdırındağı qazaqtıñ Wlı köşi küni büginge deyin jalğasıp keledi. Memleket basşısı Nwrswltan Nazarbaevtıñ jarlığımen jer düniege şaşırağan qazaqtıñ Qazaqstanğa ağıluı üşin aşılğan köş - qazir el auzında: "Wlı köş" - "Nwrlı köş" atalıp ketken. Au, sonda qazaq üşin kieli köşti, kieli wğımdı  sarjağaldanıp alğan sayttıñ qor etkeni qalay?

Jaña media jaña serpinmen damığan sayın reyting pen sensaciya bastı planğa şığıp, sapa kategoriyası nazardan tıs qala bastadı. 

Reyting bastı talapqa aynalğan sayın qazaq wltınıñ boyınan jat qılıq, jaman minez künnen künge örşip, dünieniñ süreñsiz kelbetin süzgisiz qabıldau men tıyımsız, toqtausız wrandau ğadeti payda boldı.

Reyting qalay jasaladı? Taqırıp bireu: "öldi", "attı", "şaptı", "asıldı", "zorladı". Nemese "jwldızdardıñ" jalañaş denesi, "bädendi bikeşterdiñ böksesi" . Osınday jaña trendsımaq juındı-şayındını erteli-keş ezip otırğandar özge emes, özimizdiñ - "noqal qazaqtar". Öytkeni qarjı berip, qarıq qılatın biliktiñ swraytını - reyting.

Mäselen mınau "Wlı köş" deytin portal özderine "wlttıq portal" degen märtebe beripti. Meyli, solay-aq bolsınşı! Biraq, jazıp, jarnamalap otırğan taqırıbı anau: "Maqpal Isabekova "mämesin" körsetti" ne bolmasa "Elitalı jezökşe qaltalı jigitterdiñ özderin qalay qorlaytının aytıp berdi". Sonda bwl qanday "Wlı köş"? kimderdiñ "Wlı köşi"?.. Qayda auıp bara jatqan köş bwl?

Paradoks. Bizdiñ miımızğa kirip-şıqpaytını - Maqpal Isabekovanıñ Wlı köşke qanday qatısı bar? Nemese "Wlı köştiñ" Maqpaldıñ "mämesinde" nesi bar?

Tös penen tösektiñ töñireginnen aynalıp şıqpaytın osınday taqırıptarmen biz oqırmandı qayda jetelep baramız?

Nwrzat Toqajan

Abai.kz

1 pikir