Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4746. Qaytıs bolğandar — 37
Betbwrıs 5734 343 pikir 15 Säuir, 2017 sağat 19:32

Amandıq Batalov: Elbası maqalası jaña mindetter jüktedi

Elbasımız Nwrswltan Äbişwlı Nazarbaevtıñ «Egemen Qazaqstan» gazetinde jarıq körgen «Bolaşaqqa bağdar: ruhani jañğıru» attı bağdarlamalıq maqalasına oray bügin Taldıqorğanda Almatı oblısınıñ äkimi Amandıq Batalovtıñ törağalığımen aktiv jiını ötti, dep habarlaydı Almatı oblısı äkiminiñ baspasöz qızmeti.

Jiındı aşqan oblıs basşısı A. Batalov Elbasınıñ «Bolaşaqqa bağdar: ruhani jañğıru» attı bağdarlamalıq maqalası soñğı künderde el ömirindegi qoğamdıq-sayasi mañızı zor oqiğanıñ biri bolğanın atap ötti. Onda Elbası ekonomikalıq jäne sayasi jetistikterimizdi damıtudıñ ruhani bağdarlamasın wsınıp otırğanına toqtaldı.

- Bwl bağdarlama wltımız üşin mañızı tereñ, auqımı zor, önegesi mol, halqımızğa ruhani azıq bolatın aytulı dünie. Bwl maqalada ötken tarihi kezeñderge sındarlı bağa berilip, oy eleginen ötkizilip, ruhani damu bağıtımız ayqındalğan. El Prezidenti qoğamnıñ ruhani jañğıruına halıqtıñ dästüri men wlttıq mädenieti negiz boluı tiis ekenin ayttı. Mwnday bağıttı wstanu keşegi kün men bügindi, bügin men erteñdi jalğastıradı. Sondıqtan bizdiñ mindetimiz Memleket basşısınıñ tapsırmasın orınday otırıp, maqalada körsetilgen jobalarğa bastı nazar audaru, - dep atap ötti A. Batalov.

Jiında oblıs äkiminiñ orınbasarı Jaqsılıq Omar bayandama jasadı. Bayandamaşınıñ aytuınşa, oblıs basqarmaları öz josparlarına bağdarlamalıq maqalanıñ mindet-maqsattarın negizge ala otırıp, tolıqtırular jasaytın boladı. Mäselen, oblıstıq işki sayasat jäne jastar sayasatı, mädeniet, tilderdi damıtu jäne din isteri jönindegi basqarmalarğa säuir ayınıñ ayağına deyin bağdarlamalıq maqalada aytılğan tirekterdi qamtitın wsınıstar engizip, is-şaralar josparın äzirleu tapsırıldı. Bwl jwmısqa oblıstıq Qazaqstan halqı Assambleyası men jergilikti bwqaralıq aqparat qwraldarı da belsene qatısuı tiis.

- Qazir biz alğa qoyılğan mindetterdi negizge ala otırıp, jedel türde saraptamalıq jwmıs jürgizuimiz qajet jäne Almatı oblısınıñ ruhani damuınıñ, mädenieti men tarihınıñ, turizminiñ auqımdı mümkindikterin aşıp körsete biluimiz kerek. Eki aptanıñ işinde bağdarlamalıq qwjattı jüzege asırudıñ öñirlik josparın oblıs basşısınıñ qarauına wsına alamız dep oylaymın,- dedi J. Omar. Bwl orayda oblıs äkimi A. Batalovtan osı mindetterdiñ orındaluına ıqpal etetin qwramına ziyalı qauım, ğalımdar, jastar, etnomädeni ortalıqtar men qoğamdıq wyımdar ökilderi engiziletin jwmıs tobın qwruğa qoldau körsetudi swradı.

Jarıssözge filosofiya ğılımdarınıñ doktorı, professor, «Mäñgilik el» ğılımi-bilim beru ortalığınıñ jetekşi ğılımi qızmetkeri Amanjol Qasabek, «Almatı oblıstıq slavyan qozğalısı» qoğamdıq birlestiginiñ müşesi Natal'ya Belik, oblıstıq «Jetisu» jäne «Ogni Alatau» gazetteriniñ bas redaktorları Ämire Ärin men Atsalim Idigov, Öñirlik kommunikaciyalar qızmetiniñ jurnalist-moderatorı Galina Mitkovskih şığıp, öz oy-pikirlerin bildirdi.

Jiın soñında oblıs äkimi A. Batalov:

- Qoğamdıq sananı jañğıru jönindegi Elbası Nwrswltan Äbişwlı Nazarbaevtıñ ideyası - elimizdegi konstitutciyalıq, ekonomikalıq reformalardıñ zañdı jalğası. Maqalada jaña zaman köşine ilesip, örkenietti el bolu üşin wlttıq sananı saqtau men öristetudiñ naqtı joldarı wsınılğan. Osı bağdarlamalıq qwjatqa säykes Jetisu öñirinde birlik pen tatulıqtı, ruhani kelisimdi, ekonomikalıq damu ürdisterin saqtau maqsatında atqarılatın naqtı jwmıstar 1 mamırğa deyin ayqındaluı tiis, - dep, tiisti qwrılımdarğa naqtı mindetter jüktedi.

Mwnan keyin oblıs basşısı ärbir audan, qalalardağı tarihi, mädeni eskertkişterdiñ tizimin jañartudı, jastardı eljandılıqqa tärbieleu isin küşeytudi, halıqtıñ ruhani jäne moral'dıq qwndılıqtarın nığaytu bağıtındağı jwmıstardı şiratudı tapsırdı.

Abai.kz

343 pikir