«...Keudesi jaqsylardyng altyn sandyq,

Sandyqty kilt bolmasa kim ashady?..»

(«Syrly sәt» toptamasynan)...

- I -

«...Qúday-au, qayda sol jyldar,

Mahabbat, qyzyq mol jyldar?

Aqyryn, aqyryn sheginip,

Alystap ketti-au qúrghyrlar?!»

Shirkin, qayta oralmas qayran jastyq!.. Sen turaly búdan artyq qalay aitugha bolady?! Abaydyng úlylyghy da osynda emes pe?!

Mahabbat pen mastyqqa, albyrttyq pen shattyqqa toly sol bir siqyrly kýnder, arman men syrgha, әn men jyrgha toly shuaqty jyldar qayda qaldy?!

Ras, ol kez sәl basqasha edi... Ómirge de, ózimizge de sheksiz senushi edik. Kýn ótpeytindey, ghúmyr bitpeytindey kórinetin.

Al qazir she, qazirgi jastar she? Bilmeymin... Jaraydy, búl – basqa әngime.

Jastyqqa bәri jarasady! Ansau da, arman da... Kýn men sýn de... Erlik pen órlik te!

«Shirkin, sol kýnder bir sәt qayta oralsa bәrin qiyar em, onda bәrin basqasha ister edim!» dep ótirik aita almaymyn... Jastyqpen kim janylyspaydy, jas kezde kim qatelespeydi?! Tapqanymnan joghaltqanym, jetkenimnen jetpegenim kóp boldy... Ókinbeymin. Áytpese, ol jastyq bola ma?!

Ókinetinim, tek ótip ketkeni... Endi eshqashan qolym jetpeytini. Kónbeske taghy laj joq!

... Qayran, Jastyq, jasynday janyp-óshken!

Óte shyqtyng júldyzday aghyp ótken...

Qúlazyghan kónilding gýlzar baghy

Qazan úrghan aghashtay sәni ketken.

Qayran, Jastyq! Ómirding sәni me edin?

Sәni me edin, әni me en, mәni me edin?

Syrlasymday kórushi em myna әlemdi –

Qimasymday bolushy ed bәri menin.

Qayran, Jastyq! Kelmeske ketkening be?

Ketkening be, shynymen ótkening be?

Kóktemimdi úrlady úry uaqyt

Kóz jetkizip kýzding de jetpegine.

Qayran, Jastyq, qayteyin, qosh bol endi,

Beker me edi barlyghy, bosqa ma edi?!

...Bilmeymin batamyn ba, qalamyn ba –

Ústaghan adamdaymyn qos kemeni!

- II -

...Payghambarymyz: «Ýmmetime bir zaman keledi. Sonda olar bes nәrseni qatty jaqsy kórip, bes nәrseni mýlde úmytady.

1. Dýniyeni jaqsy kórip, aqyretti úmytady.

2. Ómirdi jaqsy kórip, ólimdi úmytady.

3. Zәulim saraydy jaqsy kórip, qaranghy qabirdi úmytady.

4. Mal-mýlikti jaqsy kórip, ol ýshin beretin esepti úmytady.

5. Jaratylysty jaqsy kórip, Jaratushyny úmytady», - depti.

Al qazaq she, qazaq ne deydi?

«Qúdaydan qoryqpa, Qúdaydan qoryqpaghannan qoryq».

«Ómir bar jerde ólim bar».

«Mal saqtama – ar saqta».

«Toysang toba qyl».

«Malym – janymnyng sadaghasy,

Janym – arymnyng sadaghasy».

«Ólimnen úyat kýshti».

«Úyat bar jerde iman bar».

«Nysap sayyn bereke».

«Taghdyr – Tәnir isi».

«Tәubesi bardyng núry bar», - deydi.

Qosarym tek – әrbir qazaq әueli «qazaq», sosyn «músylman» bolady! Al ol: «Bәrinen ne tәtti – ómir tәtti» - deydi...

...Jaratqan iyem, kýnahar qúlmyn,

Sanasyn túrmys biylegen!

Aytaghyna erip saytan men jynnyng –

Qúlqynnyng qamyn kýilegen!

Jaratqan iyem, janylsam keshir

Adasqan soqyr pendenmin!

Ókinishpenen ótkizgen esil

Keler me qaytyp ólgen kýn?!

Jaratqan iyem! Ayybym sheksiz

Amal ne, bәrin kesh úqtym!..

Sonda da mynau ómirge essiz –

Ólerdey biraq ghashyqpyn!

...Keyde maghan bәrinen qazaqshylyghym artyq siyaqty!..

Túrmaghanbet KENJEBAEV, aqyn,

Qazaqstan Jazushylar jәne Jurnalister Odaghynyng mýshesi.

Abai.kz