Seysenbi, 2 Mausım 2020
COVID-19 QAZAQSTANDA. Jwqtırğandar — 11571. Jazılğandar — 5757. Qaytıs bolğandar — 41
Anıq 4107 0 pikir 14 Säuir, 2015 sağat 12:42

ÄLEMDİK BEYBİTŞİLİK JÜLDESİ GÜLENGE BERİLDİ

«Gandi-King-Ikeda-2015» älemdik beybitşilik jüldesi F.Gülenge berildi.

«Gandi-King-Ikeda» atındağı älemdik beybitşilik jüldesi biıl türik oyşılı Fetullah Gülenge tabıs etildi. Bwl turalı türkiyalıq tanımal «Zaman» basılımı habarlaydı. Dästürli jüldeni tabıstauğa arnalğan saltanattı jiın Morhaus universiteti, Martin Lyuter King ortalığında jüzdegen tanımal akademik pen tağı da basqa köptegen sıylı qonaqtardıñ qatısuımen ötti. Bwdan bwrın Desmond Tutu, Mihail Gorbaçev jäne Nel'son Mandela sekildi älemge tanımal twlğalar ie bolğan jülde, mineki, alğaş ret mwsılmandar arasınan bauırlas türik halqınıñ oyşılına aynalğan Fetullah Gülenge tabıstaldı.

AQŞ-tıñ Atlanta qalasında bolğan atalğan jüldeni tabıstau saltanatında söz alğan Martin Lyuter King ortalığınıñ dekanı, professor Laurens Karter, Fetullah Gülenniñ beybitşilik jarşısı degen atqa layıq ekenin jäne sonday jülde tabıs etiletinin ayttı. «Bügin bwl jüldeni dästürli Islam dininiñ älemge beybit türde taraluına jäne 2001 jılı 11 Qırküyekte N'yu-Yorktegi Düniejüzilik Sauda Ortalığına jasalğan lañkestik äreket soñınan «Washington Post» basılımına bergen habarı arqılı älemde beybitşiliktiñ ornauına zor üles qosqan Fetullah Gülenge tabıstau — biz üşin ülken maqtanış», - dedi. Esteriñizge sala keteyik, «Washington Post» basılımında jariyalanğan tarihi mätinde F.Gülen barşa älemge qarata: «Mwsılmannıñ terorist boluı mümkin emes, terorist te mwsılman bola almaydı!» degen-di.

«Fetullah Gülen biz sizdi maqtan etemiz!» - dedi «Gandi-King-Ikeda-2015» älemdik beybitşilik jüldesin tapsırğan professor

Joğarıdağıday lebizin bildirgen professor L.Karter sözin tağı bılay örbitti: «Iä, osı jüldeni Fetullah Gülenge tabıs etu — biz üşin teñdessiz maqtanış. Sebebi, öz-özin jarıp, «şähit» bolğandarğa, öz-özin öltirgenderge beykünä adamdardıñ qanın tögu eşqanday da jihad bola almaytının aytıp, ün qatqanı üşin... Maqtanış etemiz, sebebi, adami qwndılıq pen ädeptiñ ärbir adamğa tän ortaq qwndılıq ekenin tilge tiek etkeni üşin... Maqtanış etemiz, sebebi, näsildik, wlttıq, etnikalıq jäne jınıstıq erekşelikterdiñ adamdar arasında olardıñ bölinulerine emes, kerisinşe, osı tabiği ayırmaşılıqtarına qaramastan, adamdardı ruhani twrğıdan biriktirgeniñiz üşin... Maqtanış etemiz, sebebi, dini senimiñiz ben oğan zarar beretin, aynalañızda bolıp jatqan san aluan qolaysız özgeristerge qarsı twruda ülgi körsetip, onı älemdik deñgeyde jürgizip otırğandığıñız üşin... Maqtanış etemiz, sebebi, adamdarğa beriletin eñ joğarı bilimniñ tek qana oqu-sızumen emes, jaratılıstıñ bolmısına tereñnen üñilu arqılı, ekijaqtı tepe-teñdikte beriletinine ündegeniñiz üşin... Ruhani-imani senimiñizdi adamzatqa jol körsetuge arnağanıñız, osı joldağı izdenisiñiz üşin... Mahatma Gandi, Martin Lyuter King jäne Daysaku Ikedalar siyaqtı wlı danışpandarğa tän wqsastıqtardı sizdiñ boyıñızdan da köru — men üşin ülken quanış. Sizdi şın jürekten qwttıqtaymın!»

F.GÜLEN:  

BWNI TEK MAĞAN EMES, ADAMZATQA QIZMET ETKEN BARŞA İZGİ NIETTİLERGE BERİLGEN  SIY DEP QABILDAYMIN!

Dekannıñ artınşa söz alıp, F.Gülenniñ atınan atalğan sıylıqtı alğan doktor I.Aslandogan Fetullah Gülenniñ osı şarağa, yağni, özine tabıstalğan atalğan sıylıqqa oray jazğan hatın oqıp berdi. F.Gülen hat arqılı tömendegidey lebizin joldağan: «Morhaus universiteti, Martin Lyuter King halıqaralıq ortalığı basşılığı tarapınan eşqanday eñbegim siñbese de, «Gandi-King-Ikeda – 2015» sıylığına layıq dep tanılıppın. Bwl sıylıqtı tek mağan ğana emes, eşqanday da öteusiz, özin barşa adamzatqa qızmet etuge arnağan izgi niettilerge jasalğan sıy-qwrmet dep esepteymin. Olar — öz otanınan mıñdağan şaqırım wzaqtıqta 50 ºS ayazğa qaramastan parızın orındağandar, Soltüstik Irakta IŞIM-nen töngen qauipke qaramastan mektepterinde oqudı jalğastırğandar, Nigeriya men Auğanstanda qız balalarğa bilim alu mümkindigin bergen oqıtuşılar, Somali men Sudanda qiındıqqa moyımay qızmet etip jürgen därigerler, medbikeler, özderi materialdıq twrğıdan qiınşılıq körse de igi ister men jobalardı basqara bilgen käsipkerler. Mağan tabıstalğan bwl jülde, negizinde dini, wltı, näsili bölek bola twra, jwdırıqtay jwmılıp, adamzattıñ eñ mañızdı qwndılığı  — beybitşilikke wyısıp qızmet etken joğarıdağı jandarğa berilgen sıy dep qabıldaymın».

OLAR ÖZ BAQITTARIN BASQALARDIÑ BAQITTARINAN İZDEYDİ

«Olar - öz baqıttarın basqalardıñ baqıttarınan izdegen izgi jandar. Olardı Aziyada, Amerikada jäne Amerika Qwrama Ştattarında, jalpı törtkül dünie jüzinde biriktirgen närse  — adam qwqıqtarın joğarı qoyğan qwndılıq, olardıñ ärbir jannıñ baqıttı boluı üşin özderin qwrban etip, öz ömirlerin osığan arnauları. Ärbir jandı adam retinde kötermeleu, olardıñ Jaratqanğa degen qwrmetteriniñ belgisi. Är uaqıtta Wlı Iemizge meni de osı baqıttı jandardıñ arasında etuin tileumen boldım. Özimdi eşqaşan eşkimnen artıq körmedim. Sizder, olardıñ janqiyarlıq erlikteri men eñbekterine öte körkem türde bağa berdiñizder. Densaulığım sizdermen osınday qayırlı künde birge boluıma mümkindik bermedi. Alayda uaqıt pen orın ayırmaşılığı ruhani twrğıdan birge boluğa kedergi bola almas. Osı sıylıqpen marapattalğan izgi jandardıñ bir müşesi bolu ümitimen wyım basşılığına alğısımdı bildiremin».

SKOT ALEKSANDR: «F.GÜLEN - BÜGİNGİ KÜNNİÑ MÄULANASI»

Saltanattı jiında söz alğan professor Skot Aleksandr, F.Gülenniñ bügingi künniñ Mäulanası ekendigin ayttı. Onıñ aqiqattı izdeu men älemdik deñgeyde bilim beru isinde tek beybitşilikti, toleranttılıqtı wsınğanın eske alğan S.Aleksandr, «İzgi nietilerdiñ negizgi wstanımdarınıñ biri — Payğambarımızdıñ  (s.a.s.) izgi qasietteriniñ biri bolğan keşirimdilik qasieti. Narazılıq seziminiñ jürektiñ uı ekendigin aytqan Gülen Islam dinine tän bolmağan bwl sezimnen alıstatuğa tırısqan», - dedi.

ÄLEMDİK BEYBİTŞİLİK KÖŞBASŞILARINA BERİLEDİ

Ayta ketu kerek, biılğı jıl osımen 13-ret wyımdastırılıp otırğan «Gandi-King-Ikeda» Beybitşilik sıylığı KSRO-ıñ bwrınğı basşısı M.Gorbaçev, Oñtüstik Afrika lideri Nel'son Mandela, Desmond Tutu, dk. Mihail Nobel' men Nobel' sıylığınıñ iegerleri Betti Ul'yams pen Yon Huma siyaqtı twlğalarğa da tabıs etilgen-di. «Gandi-King-Ikeda» beybişilik sıylığı, jıl sayın qoğamda beybitşilik pen twraqtılıqtıñ mañızdılığın arttıru maqsatında öz ülesin ayanbay qosqan älemdik köşbasşılarğa tabıs etiletin sıylıq. Sıylıqtıñ atauı da älemde beybitşiliktiñ ornauına ıqpal etken twlğalar — Mahatma Gandi, Martin Lyuter King jäne japoniyadıq belsendi Daysaku Ikedalardıñ qwrmetine berilgen. Saltanattı jiınnan soñ, universitet tarapınan jasalğan älemge tanımal wlı wstaz, oyşıl F.Gülenniñ sureti beynelengen taqta, bwdan bwrın osı jüldeni alğan twlğalardıñ suretteriniñ janına ilindi.

Ğalamtor derekteri arqılı dayındağan — Nwrgül JAMBILQIZI

Abai.kz  

0 pikir