Túrghyn ýy qúrylys jinaq banki janyndaghy Qoghamdyq kenes Astanadaghy týitkildi nysannyng qúrylys alanynda kóshpeli otyrys ótkizedi.

Dәl qazir bastamashyl toptyng 20-dan astam adamy – bank salymshylary, Qoghamdyq kenesting mýsheleri, әkimdik ókilderi, qúrylysshylar men jurnalister salynyp bitpegen ýige jinaldy. Ángime Astanadaghy Sauran jәne №24 kóshelerining qiylysyndaghy kóp pәterli túrghyn ýy kesheni turaly bolyp otyr. Jana ýide 242 pәter bar. Búl pәterler «Qoljetimdi túrghyn ýi–2020» baghdarlamasy ayasynda «Halyqtyng barlyq sanatyna arnalghan túrghyn ýi» baghdarlamasy boyynsha satyluy tiyis edi. Biraq adamdar bir jarym jyldan beri búl pәterlerding kiltine qol jetkize almay keledi.

Túrghyn ýidi saryla kýtip jýrgen QTQJB salymshylary әli kýnge deyin pәter jaldap nemese tuysqandarynyng ýiin jaghalap kýn keshuge mәjbýr. Olar birneshe mәrte Qoghamdyq keneske shaghym týsirdi. Shaghym jiyilep ketken son, búl adamdarmen qúrylys nysanynda kezdesu ótkizuge baylam jasaldy.

Qúrylys salushy 2013 jyldyng jeltoqsan aiyna deyin týitkildi keshenning qúrylysyn salyp bitirui kerek edi. Biraq paydalanugha beru merzimi údayy keyin shegerilip keledi. Búl joly qúrylys kompaniyasy 2015 jyldyng jaz aiynda beremiz dep meje belgilep otyr. Ayta keteyik, búl pәterlerding jalpy audany 10 myng sharshy metrden asyp jyghylady.

Túrghyn ýy qúrylys jinaq banki mamandarynyng sózine qaraghanda, is jýzinde ýy dayyn túr. Biraq oghan jylu kózderi ornatylmaghan. Shahardyng kommunaldyq qyzmetining talaby boyynsha, qúrylys salushy jylu jýiesin osy uaqytqa deyin eki mәrte qayta jýrgizipti.

Nysandaghy olqylyqtardyng qashan joyylatyny, adamdardyng pәterlerge qashan kóship kiretini otyrys ayaqtalarda belgili bolmaq. Qoghamdyq kenes mýsheleri búl jayynda qosymsha habarlamaqshy.

Abay-aqparat