Jwma, 5 Mausım 2020
COVID-19 QAZAQSTANDA. Jwqtırğandar — 12067. Jazılğandar — 6606. Qaytıs bolğandar — 52
Bw ne mazaq? 3162 4 pikir 28 Naurız, 2017 sağat 13:52

Tilin wmıtqan Timur Ükimet sağatında ne dep ketti?

Keşe Mäjiliske Wlttıq ekonomika ministri Timur Suleymenov kelip ketti. Mäjiliste ötip twratın Ükimet sağatına «ükilenip» kelgen ministr elimizde käsipkerlikti damıtuğa qırauar qarjı bölinip jatqanın aytıp lepirdi. «Lepirdi» degen sözge lep berip otırğan sebebimiz: qazınadan qanşa qarjı bölinse de, Qazaqstanda qarqın alğan igilikti isti köre almay Qazaqstan halqı qajıp baradı. Qayda barsañ da jwmıssızdıq, qayda qarasañ da käkir-şükirdi käsip etip, küneltip jürgen jwrt. Äytse de bilik tarapınan biznesti nesieleudiñ ürdisi üzilgen emes. Sonda qıruar qarjı qayda ketip jatır?

 

Ükimet sağatında ministr  bir ğana «Biznestiñ jol kartası» bağdarlamasına 344 milliard teñge, subsidiyağa 146 milliard teñge berilgenin ayttı. Al, «Biznestiñ jol kartası» degenimiz ne?  «Biznestiñ jol kartası – 2020» bağdarlaması Qazaqstan Respublikası Prezidentiniñ «Jaña onjıldıq – Jaña ekonomikalıq örleu – Qazaqstannıñ jaña mümkindikteri»  attı Qazaqstan halqına Joldauın jäne Qazaqstannıñ 2020 jılğa deyingi startegiyalıq damu josparın iske asıru üşin äzirlengen bağadarlama.

 

Bağdarlamanıñ maqsatı ekonomikanıñ şikizattıq emes sektorlarındağı öñirlik käsipkerliktiñ twraqtı jäne teñgerimdi ösuin qamtamasız etu, sonımen qatar bar jwmıs orındarın saqtau jäne twraqtı jwmıs isteytin jaña jwmıs orındarın qwru bolıp tabıladı.

 

Bağdarlama eki kezeñ boyınşa jüzege asırılıp, mına salalardı qamtuı kerek bolatın:

agro - önerkäsip keşeni;

ken öndiru önerkäsibi salasındağı tehnikalıq qızmetter;

jeñil önerkäsip jäne jihaz şığaru;

qwrılıs materialdarı men metall emes özge mineraldı önimder öndiru;

metallurgiya, metall öñdeu, maşina jasau;

özge önerkäsip sektorları (onıñ işinde özge dayın önimder şığaru; elektrmen jabdıqtau, gaz, bu beru jäne aua sorğızu; su jinau, öñdeu jäne taratu; kanalizaciya jüyesi; qaldıqtardı jinau, öñdeu jäne tazartu, qaldıqtardı iske jaratu; qaldıqtardı joyu salasında qayta kul'tivaciyalau)

kölik jäne qoyma qızmeti;

turizm;

aqparat jäne baylanıs;

käsibi, ğılımi jäne tehnikalıq qızmet;

bilim;

densaulıq saqtau jäne äleumettik qızmetter;

öner, köñil köteru jäne demalıs;

qızmettiñ özge türlerin (komp'yuterlerdi, jeke paydalanu zattarı men twrmıstıq tauarlardı jöndeu jwmısın) wsınu.

 

Osınıñ işinde äzirge naqtı körinis tapqanı bizde köñil köteru bolsa kerek. Köñil köteru jağınan biz qazir köş ilgeri ketkenbiz. Oğan tele-radiomızdan bastap, qızıldı-jasıldı gazet-jurnaldar men köpirme sözderimiz mısal.

 

Jä, sonımen taqırıbımızğa keleyik. Suleymenov  bir ğana «Biznestiñ jol kartası» bağdarlamasına 344 milliard teñge, subsidiyağa 146 milliard teñge berilgenin aytqan soñ, onıñ esep-qisabına qarsı deputat Nwrtay Säbilänov:

- Siz Damu qorınan älgindey somada qarjı bölingeni ayttıñız. Alayda, memleketten qoldau alğan keybir käsipkerler jwmıstarın toqtatqan. Sözdiñ turasına köşsek, Damu qorı käsipkerlerge aqşa taratumen aynalısqan. Tiimsiz bağdarlamanı jüzege asırğan, - dep qarsı uäj bildirdi.

Deputattıñ osınday uäjine uäj tappay terlegen ministrdi sodan keyin özge deputattar arqadan qağıp, qolpaştauğa, aqıl aytıp, aldarqatuğa köşti. Sonıñ biri mäjilismen Omarhan Öksikbaev ministrden jer dauına qatıstı otstavkağa ketken eks-ministrler Erbolat Dosaev pen para aldı dep ayıptalğan Quandıq Bişimbaevtıñ qateligin qaytalamauın swrap «jalınğanday» kep tanıttı.

 

«Täuelsizdik alğalı beri ekonomika ministrligin basqarğan siz 20-şı ministrsiz. Bireui bağı janıp ketti, özi janıp ketti, bireui şulatıp ketti. Endi sizdiñ artıñızda jaqsı bir iz qalsa eken degen niet aytqım keledi», – dedi deputat Omarhan Öksikbaev.

 

Mäskeude 5 jıl twrğan kezinde tuğan halqınıñ tilinen ada bolğan ministr ne dep ketti, deputattar ne dep qaldı – bwnı naqtı tüsinu de, tüsindiru de qiın. Öytkeni ol memleket qazınasınan bölingen qarjınıñ qisabın bilgeni bolmasa, qayda, qalay jwmsalğanınan habarsızdığın bayqattı.

 

Abai.kz

4 pikir