Qytaydan kelgen 3-shi dərejeli qyzmetkerlerin ústap, qazaqstandyq júmysshylardy qysqartqan Chjan Szuni jauap bere almay sasty. Býgin Aqtóbe oblysynyng əkimi Berdibek Saparbaev "Úly Qabyrgha" múnay kompaniyasynyng bas diyrektory Chjan Szuni jasaghan júmys esebin tyndaugha bardy. Ótken jyly qúrdymgha ketkeli túrghandyghy aitylghan kompaniya taghy  bir jyl  ishinde eshtene jasamaghan bolyp shyqty.

 Əkim esh júmys jasamay, qyzmetkerlerin qanghytyp jibergen kompaniya basshysyn syngha aldy.

"Júmysty jaqsartu, júmysshylar jalaqysyn kóteruge qatysty kelisimshartqa otyrdyq. Kelisimdegi 10 bólimning 6-uy oryndalmaghan. Kompaniya basshysyna birneshe ret eskertu jasalyndy. Ótken jylghy shyghyn 1 milliardtan asqan. Shyghyndardy taldau kerek. Kelisim-shartty oryndamasa,  onda moynyna nege alady? Ýsh jaqty kelisimning 60 payyzy oryndalmaghan. Bizde "daghdarys" degen jaqsy syltau bar. Daghdarys tek sizderge keldi me? Qalghan mekemeler jolyn tauyp jatyr. Búrghylau júmysyna qarap otyrugha bolmaydy.

Eger búl kompaniya osynday qiyndyqtar tughyzatyn bolsa, bizge kerek emes. Aqtóbe búl kompaniyasyz qúlap qalmaydy. Ekonomikalyq jaghdayyn jaqsartpasa, jabu kerek. Biz jylda osy kompaniyadan qysqarghan adamdardy júmyspen qamtamasyz etip otyrmyz. Kompaniya júmysshy jaghdayyn jaqsartpasa, bizge kerek emes", - dedi oblys əkimi.

 Oblys əkimi naqty súraqtargha jauap bere almay sasqalaqtap, kýmiljip qalghan qytay kompaniyasynyng basshysyna eskertu jasady. Kompaniyada júmysshylardy qysqartu eki esege azayghan. Myndaghan qazaqstandyq múnayshylar qysqartugha úshyrap jatqanda, kompaniyada ýshinshi dərejeli qytaylar əli júmys jasap jýrgen bolyp shyqty.

"Qazaqstandyq júmysshylar qysqartylyp jatqanda, nege shetelden ýshinshi, tórtinshi dərejeli júmysshylar əkelinedi? Múny qoy kerek.  Eger Aqtóbede júmys jasaghylaryng kelse, júmysshylardy qysqartudy qoyynyzdar", - dedi oblys basshysy. 

Saytqa әzirlegen Núrcúlu Naymanova.

Abai.kz