Býgin Ontýstik Qazaqstan oblysynda QR Tәuelsizdigining 25 jyldyghyna arnalghan «Birligimiz jarasqan-Mәngilik el» atty respublikalyq aitys bastaldy. Aqyndardyng basyn qosqan dýbirli dodagha elimizding aituly 16 aqyny men Qytay, Qyrghyzstan, Mongholiya, Ózbekstan elderining sóz dýldýlderi de arnayy shaqyrtyldy.
Atap aitar bolsaq, býgingi jýirikterding sóz sayysyna Ontýstik Qazaqstan oblysy atynan J.Naushabekov, K.Oralova, A.Japparqúlova, N.Meyirmanov, Q.Abzalov, B.Baytuov, N.Ánapiya, D.Polatbaev, T.Týleuliyev, A.Niyazbekter qatyssa, elimizding bas qalasy Astanadan A.Túrsynbaeva, J.Búlghaqov, al, Qyzylordadan M.Aytbay, Qostanaydan S.Áuezhan, Jambyl oblysynan Q.Myrzahan, Qaraghandydan A.Júmaghúlov syndy birtuar aqyndarymyz kelip baq synauda.
QR Tәuelsizdigining 25 jyldyghy men 1 jeltoqsan – Qazaqstan Respublikasynyng Túnghysh Preziydenti kýnine oray, úiymdastyrylghan alaman aitysqa oblys әkimdigining eki jenil avto kóligi men qarjylay jýlde qory taghayyndalyp otyr.
Aqyndar aitysyn oblysymyzdyng tumasy, «Parasat» ordenining iyegeri, «ARA.kz» jurnalynyng bas redaktory, belgili satirik Kópen Ámirbek jýrgizude.
Kil myqtylardyng aitys alamanynda qazylar alqasynyng tórayymy- Qazaqstannyng Halyq aqyny, Jambyl Jabaev atyndaghy syilyqtyng jәne «Parasat» ordenining iyegeri Áselhan Qalybekova bolsa, qogham qayratkeri, QR Mәdeniyet qayratkeri Orazkýl Asanghazy, Qazaqstannyng Halyq aqyny, aitysker aqyn Ásiya Berkenova, QR Enbek sinirgen qayratkeri, «Qúrmet», «Parasat» ordenderining iyegeri, Halyqaralyq «Alash» syilyghynyng laureaty, jazushy Marhabat Bayghút pen aitysker aqyn, sazger Ábdihalyq Ábdirayymúly syndy azamattar qazylyq etude.
Eki kýnge jalghasatyn suyryp salma alaman aitysynyng maqsaty - Tәuelsizdik jyldarynda elimizding qol jetkizgen jetistikteri men tabystaryn óleng sózben halyqqa jetkizu bolyp tabylady.
Erteng 3 jeltoqsan kýni saghat 11.00-de «Týrkistan» sarayynda «Birligimiz jarasqan-Mәngilik el» atty respublikalyq aqyndar aitysynyng jabylu saltanatyna ótedi.

Abay-aqparat