360 myngha tarta túrghyny bar Maqtaral audanyn oblys ortalyghymen baylanystyratyn bir ghana jol – Syrdariyanyng ýstinen salynghan kópir. Jergilikti halyq ony «Tәuelsizdik kópiri» dep aitady. Kenes odaghy taraghan tústa aralda qalghanday bolghan audan júrtshylyghy oblys ortalyghymen Ózbekstannyng aumaghy arqyly ótip baryp, baylanysatyn. Qazir osy kópir – negizgi jol. Sonyng kómegimen 25 jyldyng ishinde Maqtaral audanynyng әleumettik-ekonomikalyq ósimi artty. Syrdariyanyng jaghasyndaghy Azattyq auly búryn «Pravda» dep atalatyn. 100-ge jetpeytin týtin bar edi. Ynghaylastyryp salynghan mektepte balalar syghylysyp otyryp, sabaq oqydy. Qazir zamangha say ýlgidegi mektebi bar. Túrmysy týzu auylda túrghyndar qatary myngha jetipti. Aynalysatyn kәsibi bar. Azattyq audangha kire beris qaqpa ispetti. Búl turaly khabar.kz portaly jazady.  

Sattarqúl Tәnirbergenov, Azattyq auylynyng túrghyny -Almaty, Astana men Shymkent sekildi ýlken qalalargha osy bizding auyl arqyly ótedi. Búryn bizding auyl shette qalghan auyl edi. Qazir Allagha shýkir, Tәuelsizdikting arqasynda eng kýshti qaqpa auyl atanyp otyr.

Azattyqtyng ajarlana týsuine Tәuelsizdik kópirining salynghany sep. Auyldyng irgesinde logistikalyq ortalyq túrghyzyluda. Audanda ósirilgen 700 myng tonnagha jaqyn kókónis pen qauyn-qarbyzdy kýndiz-týni tasityn kólikter osy jerde jinalady. Al 25 jyl búryn kólikting kóbi kórshi memleketting shekarasy arqyly kezek kýtip, әreng ótetin.

Jamantay Beysenbaev, Maqtaral audanynyng әkimi -Ol kezde keshki saghat6, 8-de jauyp qoyatyn. Eger sol uaqyttan keshiksek biz Saryaghashta, Keleste, basqa jerlerde jatatynbyz. Sonday bir óte qatty qiyn jaghdaylar boldy. Mine osyny eskergen Elbasy eng birinshi Tәuelsizdik kópirin saldy.

Maqtaral damu ýstinde. Jalpy ishki ónimi 25 jylda 644 millionnan 112 milliard tengege ósti. Byltyr 220 myng tonnaday maqta jinaldy. Auyl sharuashylyghy alqaptaryn aghyn sumen qamtamasyz etu jәne kórshilerge tәueldilikten arylu ýshin 14 milliard tengeden asatyn qarjygha Syrdariyadan sorghymen su tartatyn keshen salyndy. Biyl Jetisaydaghy bir mektepting 40 oqushysy «Altyn belgi» iyegeri boldy. Kólik kóp jýretin joldyng boyyna Alpamys batyrgha biyik eskertkish túrghyzylghan.

Bauyrjan Ongharbaev, kәsipker -Búl eskertkish ózimizden keyingi úrpaqtyn, elding azamattarynyng ruhyn kóteredi. Ruhy biyik el eshqashen jaman bolmaydy.

Úlylardy úlyqtamasaq, qaydan úly el bolamyz. -Dәmi til ýiiretin Myrzashólding qauyny men qarbyzy qazir Resey men Belarusiting naryghyn jaulady. Búl – jer emgen maqtaraldyq diqandardyng manday teri.

Abai.kz