Jergilikti ónim Qazaqstanda brendke ainalyp ýlgerdi, endigi kezekte syrtqy naryq.

Búghan barlyq alghyshart jasalghan. Mәselen, Qazaly audanyndaghy sharuashylyqtardyng birinde ónim sapasyn baqylau jәne menejdment jýiesi engizildi. 

17 jyl búryn búl fermada alghash ret 350 gektar jerge kýrish egilgen edi. Býginde egistik kólemi 4,5 myng gektargha jetip jyghyldy. Ónimning jartysy kórshi elderge eksportqa jiberiledi. Ótken jyldan beri múnda jergilikti sharualargha túqym satyla bastady. 

Minajadin Óttev, sharuashylyq diyrektory: «Mamandardyng aituynsha, týsim әr gektardan 5 senterden bolady eken, demek, biz bir myng tonnaday joghary sapaly túqym jetkize alamyz. Býgingi tanda oblystyng 20% túqymy qyzyl dәn. Biz jetkizetin túqymnyng qúramyndaghy qyzyl dәn 3%-dan aspaydy. Bizding ónimderimizdi satyp alatyn Ózbekstan, Tәjikstan, Týrkmenstan siyaqty TMD elderi túqym sapasyna yrza, basqa da dәndi-daqyldardyng túqymdaryn óndiruge súranystar jii týsedi». 

«Syr marjany» seriktestegi kýrishti ontýstik koreyalyq tehnologiya boyynsha óndiredi. Aldymen dәndi daqyl zauytta qabyldau prosesinen ótedi, qúramyndaghy krahmal men basqa da paydaly zattar saqtala otyryp óndeledi. Odan keyin kýrish jaqsylap tazalanyp, aghartylady. 

Daniyar Sýilibaev, júmysker: «Bizding auysymda 18 adam júmys isteydi. Tәuligine 18 tonnagha deyin kýrish shygharamyz. Tipti qysta da júmys toqtamaydy, mausym kýzge deyin jalghasady. Júmysqa jaqynyraq bolu ýshin men әdeyi Qazalygha kóship keldim, búl zauytta júmys istegenime bir jyl boldy». 

2015 jyldyng jeltoqsanynda seriktestik 500 bas siyrdy bordaqylau ýshin jemdeu alanyn ashty. Bordaqylanghan iri qara mal Qyzylorda jәne Bayqonyr qalalarynda, audan aumaghynda joghary súranysqa iye. Búl isti jaqsylap mengerip alghan son, kәsipker konservilengen búqtyrylghan et, shújyq pen sýbe óndiretin kombinat ashudy josparlauda. 

Minajadin Óttev, sharuashylyq diyrektory: «QR Ýzdik tauary» atalymyn alghan song bizding ónimimizge degen súranys eselep artty. Eger «Altyn sapa» syilyghyn iyemdene alsaq, onda jauapkershilik artyp, ónimning ekinshi týrining sapasy da artady». 

Ayta keterligi, «Syr marjany» seriktestigi óndiristen bólek, әleumettik jauapkershilikke de kóp kónil bóledi. Býginde óndirushiler auyldy aimaqtardy kórkeytuge aitarlyqtay qarjy bólude, sonyng arqasynda Aqtan Batyr, Janqoja batyr jәne Órkendeu auyldarynda tirshilik etu jaylyraq bola týsti. 

Abai.kz